Presidenti, Recep Tayyip Erdogan më 9 korrik do të japë betimin si President në Kuvendin e Madh Popullor të Turqisë.
Sipas informatave të marra nga burimet e Presidencës, Erdogan pas fitores së zgjedhjeve presidenciale të 24 qershorit, më 9 korrik në orën 16.00 do të japë betimin në Asamblenë e Përgjithshme të Kuvendit të Madh Popullor të Turqisë.
Pas betimit në Kompleksin Presidencial në Ankara do të organizohet ceremonia solemne me rastin e kalimit të vendit në sistemin e qeverisë presidenciale.
Sistemi presidencial zyrtarisht do të fillojë po të njëjtën ditë pas betimit të Presidentit Erdogan dhe shpalosjes së kabinetit qeveritar.
Ndërkaq në Kuvendin e Madh Popullor të Turqisë po vazhdon procesi i regjistrimit të deputetëve.
Asambleja e Përgjithshme e Kuvendit do të mblidhet më 7 korrik ditën e shtunë në orën 14.00 për ceremoninë e betimit të deputetëve të legjislaturës së 27-të./ trt