Për gjashtëmbëdhjetë vjet Shtetet e Bashkuara kanë qenë në luftë në Lindjen e Mesme dhe Afrikën e Veriut, duke shpenzuar triliona dollarë, duke kryer krime lufte të pallogaritura dhe duke dërguar miliona refugjatë lufte si barrë në Evropë, duke pohuar në të njëjtën kohë se Uashingtoni nuk mund të përballojë sigurimet shoqërore dhe detyrimet mjekësore, ose të financojë një shërbim shëndetësor kombëtar siç ka bërë çdo vend i civilizuar.

Duke marrë parasysh nevojat e mëdha sociale që nuk mund të përmbushen për shkak të kostos masive të këtyre luftërave të orkestruara, dikush do të mendonte se ndoshta populli amerikan do të bënte pyetje rreth qëllimit të këtyre luftërave. Çfarë po arrihet me kosto kaq të mëdha? Nevojat e brendshme janë lënë pas dore, në mënyrë që kompleksi ushtarak / i sigurisë të “shëndoshet” me fitimet e luftës.

Mungesa e kuriozitetit nga ana e popullit amerikan, medias dhe Kongresit për qëllimin e këtyre luftërave, të cilat janë provuar se bazohen tërësisht në gënjeshtra, është e jashtëzakonshme. Çka e shpjegon këtë komplot të heshtjes, këtë mosinteresim të mahnitshëm mbi keqpërdorimin e parave dhe të jetës?

Shumica e amerikanëve duket se i pranojnë këto luftra të orkestruara si përgjigje të qeverisë ndaj 11 shtatorit. Kjo e shton misterin, pasi është fakt se Iraku, Libia, Siria, Jemeni, Afganistani dhe Irani (Irani nuk është sulmuar, përveçse me kërcënime dhe sanksione) nuk kishin të bënin me 11 shtatorin. Por këto vende kanë popullsi muslimane, dhe regjimi i Bushit dhe mediumet e shtypit kanë arritur t’ia shoqërojnë 11 shtatorin muslimanëve në përgjithësi.

Ndoshta nëse amerikanët dhe “përfaqësuesit” e tyre në Kongres e kuptojnë se për çfarë janë luftërat, ata do të ngriheshin për të kundërshtuar. Pra, unë do t’ju tregoj se për çfarë është lufta e Uashingtonit ndaj Sirisë dhe lufta e planifikuar e Uashingtonit ndaj Iranit. Gati?

Ka tri arsye për luftën e Uashingtonit, jo për luftën e Amerikës, pasi Uashingtoni nuk është Amerika, në Siri. Arsyeja e parë ka të bëjë me fitimet e kompleksit ushtarak / të sigurisë.

Kompleksi ushtarak / i sigurisë është një kombinim i interesave të fuqishme private dhe qeveritare që kanë nevojë për një kërcënim për të justifikuar një buxhet vjetor që tejkalon PBB-në e shumë vendeve (Produkti i Brendshëm Bruto). Lufta i jep këtij kombinimi të interesave private dhe qeveritare një justifikim për buxhetin e tij masiv, një buxhet, barra e së cilit bie mbi taksapaguesit amerikanë, të ardhurat mesatare familjare të së cilëve nuk janë rritur për disa dekada, ndërkohë që borxhi i tyre për të mbështetur standardin e jetesës së tyre është rritur.

Arsyeja e dytë ka të bëjë me ideologjinë neokonservatore të hegjemonisë botërore amerikane. Sipas neokonservatorëve, të cilët sigurisht nuk janë konservatorë të ndonjë përshkrimi, kolapsi i komunizmit dhe socializmit do të thotë se historia ka zgjedhur “Kapitalizmin Demokratik”, i cili nuk është as demokratik as kapitalist si Sistemi Socialo-Ekonomiko-Politik i Botës, dhe është përgjegjësia e Uashingtonit për të imponuar amerikanizmin në të gjithë botën. Vende të tilla si Rusia, Kina, Siria dhe Irani, të cilat kundërshtojnë hegjemoninë amerikane, duhet të destabilizohen dhe të eliminohen kur ato qëndrojnë në rrugën e unilateralizmit amerikan.

Arsyeja e tretë ka të bëjë me nevojën e Izraelit për burimet ujore të Libanit Jugor. Dy herë Izraeli ka dërguar armatën izraelite për të pushtuar Libanin jugor dhe dy herë ushtria izraelite e çmendur u dëbua nga Hizbollahu, një milici e mbështetur nga Siria dhe Irani.

Për të qenë i sinqertë, Izraeli po e përdor Amerikën për të eleminuar qeveritë siriane dhe iraniane që ofrojnë mbështetje ushtarake dhe ekonomike për Hizbollahun. Nëse furnizuesit e Hizbollahut mund të eliminohen nga amerikanët, ushtria e Izraelit mund të vjedhë Libanin e Jugut, ashtu siç ka vjedhur Palestinën dhe pjesët e Sirisë.

Këtu janë faktet: Për 16 vjet, popullata e paqëndrueshme amerikane ka lejuar një qeveri të korruptuar në Uashington që të harxhojë triliona dollarë të nevojshëm për vendin por të përdorur për fitimet e kompleksit ushtarak / të sigurisë, në shërbim të ideologjisë neokonservative të hegjemonisë botërore të SHBA-së, dhe në shërbimin e Izraelit.

Është e qartë se demokracia ameriane është një mashtrim. Ajo u shërben të gjithëve, përveç amerikanëve.

Cila është pasoja e mundshme e qeverisë amerikane që u shërben interesave joamerikane?

Rezultati më pozitiv është varfëria për 99 përqind të popullsisë. Rezultati më i keq është fundi bërthamor i botës.

Shërbimi i Uashingtonit ndaj kompleksit ushtarak / të sigurisë, ideologjisë neokonservatore dhe Izraelit i neglizhon plotësisht faktet e pushtetit.

Interesi i Izraelit për të përmbysur Sirinë dhe Iranin është krejtësisht jokonsistent me interesin e Rusisë për të parandaluar importin e xhihadizmit në Federatën Ruse dhe Azinë Qendrore. Prandaj, Izraeli e ka vënë SHBA-në në konflikt ushtarak të drejtpërdrejtë me Rusinë.

Interesat financiare të kompleksit të ushtrisë amerikane / të sigurisë për të rrethuar Rusinë me vendet e raketave nuk përputhen me sovranitetin rus, siç është theksimi i neokonservatorëve për hegjemoninë botërore të SHBA.

Uashingtonin nuk e kontrollon Presidenti Trump. Uashingtoni kontrollohet nga kompleksi ushtarak / i sigurisë (shikoni në youtube Presidentin Eisenhoëer teksa përshkruan kompleksin ushtarak / të sigurisë si një kërcënim për demokracinë amerikane), nga Lobi i Izraelit dhe nga neokonservatorët. Këto tre grupe të organizuara të interesit kanë parakaluar popullin amerikan, të cilët janë të pafuqishëm dhe nuk janë të përfshirë në vendimet për të ardhmen e tyre.

Çdo përfaqësues i SHBA-së dhe çdo senator amerikan që ka ngritur krye ndaj Izraelit është mundur prej tij në fushatën e tij të rizgjedhjes. Kjo është arsyeja pse kur Izraeli dëshiron diçka, ajo i kalon të dyja dhomat e Kongresit në mënyrë unanime. Ashtu si Admirali Tom Moorer, Shefi i Operacioneve Detare dhe Kryetari i Shefave të Përbashkët të Shtabit, tha publikisht, “asnjë President Amerikan nuk mund të ngrejë krye ndaj Izraelit”. Izraeli merr atë që dëshiron pa marrë parasysh se çfarë pasojash ka për Amerikën.

Admirali Moorer kishte të drejtë. SHBA i jep Izraelit çdo vit para të mjaftueshme për të blerë qeverinë tonë. Dhe Izraeli e blen qeverinë tonë. Qeveria e SHBA-së është shumë më e përgjegjshme për Izraelin sesa për popullin amerikan. Votat e Dhomës dhe Senatit e dëshmojnë këtë.

I pamundur për të ngritur krye ndaj Izraelit të vogël, Uashingtoni mendon se mund të intimidojë Rusinë dhe Kinën. Është një shenjë çmendurie që Uashingtoni të vazhdojë të provokojë Rusinë dhe Kinën. Në vend të inteligjencës ne shohim hidhërim dhe arrogancë, si shenjat dalluese të budallenjve.

Ajo që planeti Tokë dhe krijesat mbi të kanë nevojë më shumë se çdo gjë, janë udhëheqës në Perëndim që janë inteligjentë, që kanë një ndërgjegje morale, që respektojnë të vërtetën dhe që janë të aftë të kuptojnë kufijtë e fuqisë së tyre.

Por Bota Perëndimore nuk ka njerëz të tillë.

Paul Craig Roberts

/ © Gazeta Impakt

54