Vendet e Ballkanit do të anëtarësohen në BE sipas meritës, thotë Komisioni Evropian

Komisioni Evropian ka bërë të qartë se shtete e reja, sidomos të Ballkanit Perëndimor që do të anëtarësohen në Bashkimin Evropian, do të hyjnë në mënyrë individuale dhe në bazë të meritës.

Zëdhënësi i Komisionit Evropian, Margaritis Sinas gjatë një conference për media ka ripërsëritur qëndrimin e presidentit të KE-së, Jean Claude Juncker i cili tha se do të ketë diskutime me secilin shtet veç e veç.

Sinas deklaroi se Komisioni Evropian dhe BE-ja gjatë 9 muajve në vazhdim “do të vendosin se si do të procedohet anëtarësimi i çdo vendi të Ballkanit Perëndimor në BE”.

“Është një process i bazuar vetëm në merita”, tha zëdhënësi i Juncker.

Sipas tij, “zgjidhja është perspektiva, vullneti dhe atmosfera politike që ekziston në çdo vend”.

“Ne e mirëpresim në masë të madhe fakstin se presidenca bullgare e BE-së njoftoi liderët e BE-së dhe të vendeve të Ballkanit se në muajin maj do të ketë një takim”, tha zëdhënësi i Komisionit Evropian.

Ndryshe, Bullgaria për gjashtë muajt e ardhshëm do ta udhëheq Bashkimin Evropian

NDANI KËTË POSTIM

Mund tju interesojne