Emisioni i fundit i programit “Dalla vostra parte” (Nga anët tuaja) i transmetuar në 10 janar në TG4 u është kushtuar italianëve që lënë vendin e tyre për të jetuar dhe punuar jashtë. Një pjesë të rëndësishme e kanë zënë edhe italianët që jetojnë në Shqipëri.
Ata thonë se këtu jetojnë mirë pasi mund të hapësh një biznes të ri brenda ditës, taksat janë më të ulëta, çmimet më të ulëta dhe kostoja e jetesës më e lirë. (shiko nga minuta e 12-të në videon më poshtë). Por pyetja që u ngrit në emision ishte nëse italianët vijnë në Shqipëri për shkak se “këtu kanë gjetur Amerikën” apo për tu shpëtuar taksave në vendin e tyre?
Përpara se të pyeteshin italianët ndoshta një pyetje duhet tu ishte drejtuar edhe shqiptarëve nëse janë të lumtur që jetojnë në Shqipëri?
