Një tjetër ngjarje në Vlorë. Mësohet një fuoristradë xhip me targa të huaja është gjetur e braktisur në bregdetin e Vlorës. Automjeti me targa italiane BG643 GX është gjetur e zhytur në det në zonën e plazhit të vjetër.
Nuk dihet arsyeja përse makina ka përfunduar në ujë, ndërsa dyshimet e para të policisë janë se mund të jetë përdorur për të tërhequr ndonjë gomone apo skaf. Gjithashtu po hetohet nëse ka përfunduar aty aksidentalisht. Në vendin e ngjarjes kanë mbërritur forca të policisë së Vlorës, asaj kufitare dhe Delta Force.
