Lëvizja popullore jemenase Ansarullah njoftoi se në përleshjet mes ushtrisë së Jemenit dhe komiteteve popullore me mercenarët sauditë në provincën Nexhran në jug të Arabisë saudite janë vrarë 5 ushtarakë anglezë.
Sipas lëvizjes popullore Ansarullah këta ushtarakë anglezë kishin për misionin të drejtonin operacionet e forcave saudite për të avancuar në provincën Nexhran. Gazeta angleze Daily Mail në një artikull të saj javën e kaluar ka njoftuar plagosjen e dy ushtarakëve anglezë në Jemen. Vlen të theksohet se Arabia Saudite e mbështetur nga Amerika, Anglia dhe aleatët e saj që nga marsi i vitit 2015 e deri më tani, me qëllim që të kthejë në pushtet Abdarabuh Mansur Hadin, presidentin e dorëhequr të Jemenit, ka filluar agresionin ushtarak kundër Jemenit. Arabia Saudite me gjithë shpenzimet e shumta dhe sulmet e pandërprera kundër Jemenit, nuk ka arritur akoma të realizojë asnjë prej qëllimeve të saj në Jemen. Ky agresion deri tani ka marr jetën e 50 mijë civilëve jemenas, ka plagosur me mijëra të tjerë, ka shpërngulur me miliona njerëz të pafajshëm dhe ka shkatërruar tej mase infrastrukturën e vendit, gjë e cila është bërë shkak që 60% e jemenasve të përballen me mungesë të theksuar ushqimi dhe uri ndërsa spitalet të përballen me një valë të gjerë njerëzish të sëmurë nga kolera./ PT