Vuçiç: Unë luftoj si luan për Kosovën

Presidenti i Serbisë Aleksandar Vuçiç ka thënë, në fund të pjesëmarrjes në Konferencën e Sigurisë në Munih, se është më me rëndësi se të gjithë e kanë kuptuar se sa është atmosfera e rëndë kur bëhet fjalë për “zgjidhjen e çështjes së Kosovës”.

Siç ka thënë, “ishte me rëndësi se politikanët botëror në Munih kanë dëgjuar se “cila është e vërteta” dhe përgjigjja e Serisë në atë se çfarë Prishtina iu flet partnerëve të huaj”.

“Ju keni lajme të panumërta të rreme, se si ne atje rrimë, hamë e pimë mirë.. Jo, atje është një luftë e rëndë”, ka thënë Vuçiç.

Siç thotë ai, “ndoshta kam gabuar diçka në panel, por kam luftuar për Serbinë sikur luan”.

“Kështu ne luftojmë për Serbinë çdo ditë. Kur më thërrasin në Bruksel, e di se nuk më thërrasin për diçka të mirë, gjithmonë i kam kundër vetes ata të cilët pretendojnë se Kosova është shtet, dhe nuk kam askënd me më përkrahë, madje edhe ndërmjetësuesit e kanë njohur Kosovën, ata asnjëherë nuk lejojnë që grekët, spanjollët apo sllovakët t’i udhëheqin bisedimet tona, por vetëm vendet më të mëdha të BE të cilat tashmë e kanë njohur pavarësinë e Kosovës”, ankohet Vuçiç.

“Për mua ishte me rëndësi që njerëzit të dëgjojnë edhe qëndrimin ndryshe”, shton ai.

NDANI KËTË POSTIM

Mund tju interesojne