Janë zbuluar dokumentet të reja të pjesëmarrjes së disa funksionarëve francezë në mbështetjen financiare të grupeve terroriste ISIS dhe Fronti Nusra në Siri.
Kanali televiziv Al-Akhbarija i Sirisë njoftoi se në dokumentet e reja të cilat i ka zbuluar një OJQ me emrin “Sharbel”, thuhet se Laurent Fabius, ish-ministri i punëve të jashtme të Francës, Eric Shovalie, ish-ambasadori i Francës në Damask, dhe Frank Juie, i dërguari i Francës për çështje të Sirisë, kanë marrë pjesë në mbështetjen dhe sigurimin e burimeve financiare për grupet terroriste ISIS dhe Fronti Nusra nëpërmjet kompanisë “Siman La Farzh”. Në bazë të këtij raporti, thuhet se aparati gjyqësor i Francës ka thirrur Fabius dhe Shovalie në gjykatë për tu marrë në pyetje në lidhje me dokumentet ekzistuese dhe deklaratat e Kristien Eru, zv/shefi i kompanisë “La Farzh” në lidhje me mbështetjen financiare ndaj terroristëve në Siri. Kristien Eru para se të japë dorëheqje nga funksioni i tij, kishte deklaruar se çdo gjashtë muaj është takuar me Frank Juie dhe ka biseduar në lidhje me fabrikën e kompanisë “Siman La Farzh” në Raka të Sirisë./ PT