Vijnë lajme të reja për kurimin e diabetit. Bëhet fjalë për një miks terapie gjenetike dhe celulave staminale, të cilat janë provuar në minj për të luftur diabetin e tipit 1.
Kjo lloj sëmundje prek pankreasin dhe si pasojë nuk mund të prodhojë mjaftueshëm insulinë. Rezultati i eksperimentit është mjaft shpresëdhënës, dhe është botuar në revistën shkencore “Science Translational Medicine”.
Me anë të kësaj metode është bërë e mundur që të eliminohet problemi , dhe të prodhohet normalisht hormoni i insulinës.
Sipas endokrinologut Paolo Fiorina, drejtor i qendrës “Romeo ed Enrica Invernizzì” të Universitetit Shtetëror të Milanos, kjo ndërhyrje ndikon direkt në rimodelimin e sistemit imunitar.
Të gjithë minjtë që ishin identifikuar me diabet, pas eksperimentit ishin të kuruar krejtësisht.