Kontrollet janë kryer në fshatin Stjar të Delvinës.
Por sipas familjarëve kontrolli është bërë pa praninë e tyre.
Mësohet se kontrolle janë zhvilluar gjithashtu edhe në bizneset e shumta të familjes.
Këto lëvizje të policisë vijnë pas informacioneve se Klement Balili, i zhdukur prej disa muajsh që kurse u shpall në kërkim nga policia me kërkesë të organeve greke të drejtësisë, mund të fshihet në këtë zonë.
Vjehrri i Klement Balilit, Avni Veizi, reagoi ashpër lidhur me kontrollin surprizë që ndërmori policia pasditen e sotme në banesën e tij.
I kontaktuar nga “News24”, Veizi u shpreh se në banesën e tij policia u fut pa vendim gjykate dhe pa prezencën e tij, dhe se i ishin grabitur sende me vlerë.
Banesa e Avni Veizit ndodhet në lagjen “Papuci”, në Delvinë, rreth orës 17:20 minuta.
Dhëndri i Veizit, Klemend Balili, i cilësuar si “Eskobari i Ballkanit”, është shpallur në kërkim ndërkombëtar për trafik droge.