Ambasada e SHBA në Tiranë shkruan në rrjetet sociale se, në Gjykatën e Lartë janë rreth 35 mijë dosje të prapambetura. Për të zgjidhur këtë problem, ambasada amerikane njofton se USAID dhe KLGJ kanë nënshkruar një memorandum mirëkuptimi për të ofruar ndihmë.
Mes të tjerash, ambasada thekson se një grup avokatës të zotë shqiptarë o të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt.
“Gjykata e Lartë ka aktualisht pothuajse 35,000 dosje të prapambetura. Për të zgjidhur këtë problem, USAID dhe Këshilli i Lartë Gjyqësor Shqiptar nënshkruan një Memorandum Mirëkuptimi më 29 prill, për të ofruar ndihmën teknike të nevojshme.
Sipas kësaj marrëveshjeje, një ekip i veçantë avokatësh të zotë shqiptarë do të punësohen për të ndihmuar gjykatën që të veprojë me më shumë efikasitet dhe të mundësojë që gjykatësit të marrin vendime më shpejt.
Ashtu siç Shtetet e Bashkuara mbështetën fuqimisht miratimin e reformave gjyqësore, ashtu ne mbështesim fuqimisht zbatimin e plotë dhe në kohë të këtyre reformave.
Drejtësia e vonuar është drejtësi e mohuar. Ne presim të shohim numrin e prapambetur të këyre çështjeve që zvogëlohet sa më shpejt që të jetë e mundur”, thuhet në njoftimin e ambasadës amerikane./Tpz
