Gjykata e Apelit për Krimet e Rënda ka marrë sot vendimin për dosjen “Xibraka” dhe ka pranuar gjykimin e shkurtuar për të dënuarit e trafikut të kokainës.
Më parë shkalla e parë e kësaj gjykate, e kishte refuzuar një kërkesë të tillë të bërë nga të dënuarit.
Tani dënimi i të gjithë të akuzuarve mes tyre nipi i ish-diktatorit Enver Hoxha, Ermal Hoxha, është ulur me 1/3 e viteve.
Ilir Hyseni ishte dënuar me 12 vite, i bëhet 8 vite dënimi
Ermal Hoxha ishte dënuar me 10 vite burg, i bëhet 6 vite e 8 muaj
Cesar Avila e Valther Moreno ishin dënuar me nga 12 vite, u bëhet 8
Genci Xhixha 8 vjet e 7 muaj, në mungesë
Arjan Dalipi 6.7 vite burg
Gentian Gjonaj 7.3 vite burg
Kelemnd Dalipi 7.3 vite burg
Sajmir Batku 8.7 vite burg
Dënimet e mëparshme të shkallës së Parë kishin qenë:
13 vite burg për Genc Xhixha
10 vite burg për Ermal Hoxhën
12 vite burg për Ilir Hysenin
10 vite burg për Arjan Dalipin
11 vite burg për Gentian Gjonaj
12 vite burg për Cesar Avila dhe Valther Moreno
11 vite burg për Kelmend Dalipin
13 vite burg për Sajmir Batkun
Gjatë operacionit të emërtuar ‘’Xibraka’’ u sekuestruan 121 kilogramë drogë, ku rreth 100 kilogramë ishte kokainë e përzier, 18 kilogramë kokainë e pastër dhe 3 kilogramë kokainë e papërpunuar, si dhe 3 deri në 4 ton përzierës.
Godina, në brendësi të së cilës ndodhej edhe laboratori i kokainës në Xibrakë të Elbasanit, ishte kamufluar si magazinë e bimëve mediciale.
