A e dini se muzeu i parë detar i Turqisë u themelua në vitin 1897?

Muzeu i parë detar i Turqisë u themelua në vitin 1897 me urdhër të ministrit të Detarisë të asaj kohe, Hasan Hysny Pashai (Hasan Hüsnü Paşa) në lagjen Kasëmpasha (Kasımpaşa) të Stambollit. Ndërkaq ministri i Detarisë Xhemal Pashai (Cemal Paşa) në vitin 1914 bëri reforma në muze dhe e emëroi si drejtor kapitenin dhe piktorin, Ali Sami Bojar (Boyar), i cili me ngritjen e punëtorive për t’i ndërtuar modelet e plota dhe gjysmë të anijeve turke dha kontribut të rëndësishëm në zhvillimin e muzeut. Veprat historike, të cilat gjatë Luftës së Dytë Botërore u transferuan në Anadoll me qëllim të ruajtjes së tyre, pas përfundimit të luftës sërish u kthyen në vendin e vjetër. Në vitin 1949 muzeu fillimisht transferohet në Kompleksin e Pallatit Dollmabahçe dhe prej aty në Beshiktash në vendin ku ndodhet edhe sot. Muzeu Detar i Stambollit, ku janë të ekspozuara anijet, galerat, modele të anijeve, flamujt, uniformat e marinarëve, dorëshkrimet, hartat, pikturat, emblemat, shenjat e sulltanatit, instrumente të lundrimit, figurat e anijeve dhe armë të ndryshme, është muzeu i parë ushtarak në Turqi./trt