Islamofobi Rajoni

Ambasadori shpërndau karikaturat e Profetit Muhammed, deputetja e VV-së ka një kërkesë për MPJ-në

Deputetja e Vetëvendosjes, Labinota Demi-Murtezi përmes një postimi të bërë në Facebook, ka reaguar ndaj ambasadorit të Kosovës në Francë, Qëndrim Gashi i cili në llogarinë e tij në Twitter kishte publikuar karikaturat e Pejgamberit Muhamed a.s., transmeton Post.

“Vlerat tona kombëtare e fetare, kulturore e tradicionale, jo rrallë herë janë shpërfillur e nëpërkëmbur. Toleranca ndërfetare e ndëretnike janë integriteti ynë i mishëruar, edhe këto tashmë të goditura disa herë nga diplomatë e ambasadorë. Denimet me fjalë e distancimi nga veprime të deritanishme të këtij lloji, nuk kanë prodhuar efekt asnjëherë. Andaj duhet veprim konkret në funksion të ndëshkimit dhe parandalimit të ndonjë akti tjetër të mundshëm të këtij lloji”, ka shkruar ajo.

Ky është postimi i plotë:

Është i papranueshëm akti i përqeshjes së figurës së profetit tonë Muhammed (paqja dhe shpëtimi qofshin mbi të) nga ambasadori ynë në Francë, Qëndrim Gashi. Ky veprim përbën skandal, dhe duhet të marrë masa për tërheqjen e Gashit nga detyra.

Dikur i akuzuar për sponzorimin e projekteve në shërbim të copëtimit territorial të vendit tonë, i lartpërmenduri vazhdon veprime të turpshme në shpërputhje të plotë me vlerat dhe përcaktimin që ka kultivuar populli ynë ndër shekuj.

Vlerat tona kombëtare e fetare, kulturore e tradicionale, jo rrallë herë janë shpërfillur e nëpërkëmbur. Toleranca ndërfetare e ndëretnike janë integriteti ynë i mishëruar, edhe këto tashmë të goditura disa herë nga diplomatë e ambasadorë. Denimet me fjalë e distancimi nga veprime të deritanishme të këtij lloji, nuk kanë prodhuar efekt asnjëherë. Andaj duhet veprim konkret në funksion të ndëshkimit dhe parandalimit të ndonjë akti tjetër të mundshëm të këtij lloji./KP

OPINIONE

INTERVISTA