Shefja e UNESCO-s për Lidership Evropian në Diplomaci Kulturore, Shkencore dhe Inovative pranë Institutit të Studimeve Evropiane në Bruksel, Dr. Naciye Selin Senocak, ka theksuar se të rinjtë muslimanë të cilët janë të tjetërsuar dhe janë shpërbërë nga identiteti në Evropë, anëtarësohen te grupet terroriste me ndjenjën për të provuar ekzistencën e tyre dhe për të fituar një identitet dhe pushtet të ri.
Naciye Selin Şenocak, duke folur për rritjen e lëvizjeve të djathta ekstreme në Evropë, ndërhyrjet kundrejt Islamit dhe muslimanëve, ndërhyrjet e fundit të Francës për të ndryshuar disa nga ajetet e Kur-anit si dhe ndërhyrjet që kërkohen të bëhen ndaj islamofobisë dhe fesë islame, tha se “Armiku më i madh i Evropës nuk janë të rinjtë muslimanë, por politikat raciste ndarëse që zbaton”.
Në lidhje me çështjen e të drejtave të njeriut dhe lirive fetare që Evropa kritikon Turqinë, Şenocak tha se për këtë Evropa duhet të marrë shembull nga Turqia, dhe ka shtuar se “si shembull konkret të kësaj mund të japim propozimin e ndalesës për mbulesën me shami të bërë nga ministrja e shtetit Zühal Demir javën e kaluar në Belgjikë”.
“Organizata terroriste për të cilën është simpatizante ministrja që ka paraqitur propozimin në fjalë, merr në male vajzat duke i kërcënuar dhe privuar ato nga liria e tyre dhe duke kryer abuzime nga më të ndryshmet. Fatkeqësisht ata që mbartin një emër turk dhe kanë gjetur një vend në politikën në Evropë duke diskretituar turqit dhe duke ndarë muslimanët, pasi të përdoren për disa kohë do të zhduken nga arena e politikës si persona pa personalitet dhe identitet. Por ata kanë harruar një gjë se asnjëherë nuk do të cilësohen si belgë apo gjermanë, përkundrazi do të jetojnë me damkën si persona që kanë tradhtuar popullin e tyre”, ka vlerësuar Şenocak.
– “Ndërhyrja ndaj Islamit po e tërheq në kaos Evropën”
Evropa ndodhet në një krizë të madhe sociale dhe kontradiktore, në njërën anë flet për të drejtat e njeriut, demokracinë, lirinë dhe në anën tjetër ndan si “armikun brenda nesh” pakicën muslimane që jeton në Evropë në vend që t’i integrojë dhe të respektojë besimet dhe traditat e tyre.
Në lidhje me tentativat për ndërhyrje ndaj Kuranit në Francë, duke bërë të ditur se kërkesat për të hequr disa ajete nga Kurani janë zhvilluar me iniciativën e sionistëve që jetojnë në Francë, Şenocak tha: “Qëllimi i këtyre ndërhyrjeve është i caktuar; Evropën po e tërheqin drejt luftës, drejt një kaosi. Vendet evropiane duhet të jenë më të kujdesshme në këtë çështje. Madje edhe në raportin e Evropës për luftën kundër terrorizmit vërehet se kërcënimi dhe rreziku më i madh i akteve terroriste të bërë në emër të Islamit është keqinterpretimi i Kur’anit, si dhe përdorimi nga grupet radikale i termave islamikë dhe përdorimi i Islamit në drejtim të interesave ideologjike politike”.
Këto sulme kryhen jo në emër të Islamit, por me ndjenjën për të marrë hakun e tyre, ka komentuar Şenocak duke shtuar se “Këto të rinj janë rritur me vlerat e Evropës, por nuk janë kapur pas komunitetit ku ata kanë jetuar, ata janë të rinj që nuk e njohin Islamin dhe nuk e përvetësojnë atë me koncepte islame dhe mësime fetare. Nëse ato do ta kishin përvetësuar me kuptimin e vërtetë Islamin, shumica prej tyre nuk do t’i bashkoheshin organizatave terroriste si DEASH, Al-Kaeda. Vendet evropiane lejuan që këta të rinj t’i bashkoheshin organizatave terroriste. Por vendi ku do të kthehen përsëri këta të rinj janë sërish vendet nga kanë ardhur. Me humbjen e DEASH-it shumica janë duke u kthyer. BE-ja këto të rinj duhet t’i integrojë në shoqëri duke zhvilluar një politikë të re integrimi posaçërisht për këto të rinj.”
“Ndërkohë në anën tjetër kanë një punë të madhe për të bërë edhe dijetarët fetarë që jetojnë në Evropë. Është e nevojshme që emigrantët muslimanë dhe organizatat e shoqërisë civile të bashkohen dhe me një qëllim të përbashkët të formojnë qendra arsimore që të shpjegojnë në mënyrën më të drejtë Islamin dhe gjithashtu të zhvillojnë një diplomaci të re publike. Bashkë me këtë edhe Vëllazëria Muslimane duke u vetëdijesuar se kërkesat për ndryshimin e ajeteve të Kur-anit janë me qëllime provokative, ajo duhet të tregojë maturi kundër këtyre dhe me një qëndrim të fortë të ofrojë zgjidhje racioanle dhe konkrete. Dy nga më të rëndësishmet e këtyre zgjidhjeve janë publikimet në shumë gjuhë dhe trajnimi i të rinjve muslimanë në mënyra të shumanshme në kurset e arsimit fetar”, tha Şenocak.
Duke folur për vendin e Turqisë në botën islame, Şenocak tha se “Presidenti Erdoğan, përkundër liderëve të tjerë që kanë qëndruar të heshtur dhe pasivë përballë persekutimeve të përjetuara në botën islame, ai ka treguar se është ‘zëri i të shtypurve’ dhe është bërë shpresë për botën islame që për shumë vite ka qenë nën presion dhe është shfrytëzuar”.
“Turqia duke treguar një qëndrim guximtar në arenën ndërkombëtare me mos heshtjen përballë persekutimeve që muslimanët janë përballur dhe duke siguruar marrjen e vendimeve të sanksioneve ndërkombëtare tregon se ajo mund të rimarrë përsipër një rol lider në botën islame. Turqia është vendi që javën e kaluar në OKB ka qenë lider për marrjen e vendimit të gjykimit pas përcaktimit se janë gjenocid veprimet e kryera ndaj muslimanëve të Arakanit në Mianmar. Një tjetër temë e rëndësishme është ajo që presidenti Erdoğan ka nënvizuar se ka nevojë për një përfaqësues në Këshillin e Sigurisë së Kombeve të Bashkuara (KS-OKB) i cili të përfaqësojë muslimanët dhe të mbrojë interesat e tyre. Në strukturën aktuale tashmë 5 vende nuk mund të drejtojnë botën. Në qendrën e konflikteve të përgjakshme ndodhen muslimanët dhe fatin e muslimanëve mund ta përcaktojnë vetëm muslimanët”, u shpreh Şenocak.
Burimi: AA
