Avionët luftarakë rusë vrasin me dhjetëra terroristë të ISIS në Siri

Aeroplanët rusë kanë vrarë dy krerë ushtarakë dhe rreth 180 terroristë të tjerë të grupit terrorist ISIS afër Dejr Al-Zur, në lindje të Sirisë, theksoi sot Ministria ruse e Mbrojtjes.

“Si pasojë e këtyre sulmeve parandaluese të datës 6 dhe 8 qershor nga forcat ajrore ruse kundër pozicioneve të grupit terrorist ISIS-it, janë vrarë disa krerë të këtij grupi terrorist si Abu Omar Al-Belgiki dhe Abu Jasin Al-Masri”, deklaroi Ministria ruse e Mbrojtjes sipas agjencisë ruse zyrtare të lajmeve TASS. “Për më tepër, rreth 180 terroristë të këtij grupi janë vrarë gjatë këtij sulmi të avionëve luftarakë të Rusisë”,- thuhet në këtë komunikatë. Ministria e Mbrojtjes së Rusisë deklaroi gjithashtu se 16 automjete dhe një depo me municione janë shkatërruar gjatë këtij sulmi./ PT

NDANI KËTË POSTIM

Mund tju interesojne