Bota Kultura

BBC: A po largohen arabët nga besimi? Tendeca ‘anti fetare’ në rritje dhe kërcënimet nga Izraeli (FOTO)

nga BBC.

Ndryshimet tashmë janë të dukshme dhe arabët po shfaqin gjithnjë e më shumë tendencat anti-fetare, sipas një sondazhi të madh dhe të hollësishëm të ndërmarrë nga Lindja e Mesme dhe Afrika e Veriut.

Nga të drejtat e grave , te emigrimi dhe seksualiteti arabët nuk janë më njësoj në një gamë të gjërë çeshtjesh.

Më shumë se 25,000 njerëz u intervistuan për studimin në 10 vende dhe territore palestineze në mes të fundit 2018 dhe pranverës së vitit 2019.

Që nga viti 2013, numri i njerëzve në rajon që identifikohen si “jo fetar” është rritur nga 8% në 13%. Shumica e njerëzve në të gjithë rajonin mbështetën të drejtën e një gruaje për t’u bërë kryeministre ose presidente.

Por, kur është fjala për jetën familjare, shumica e grave besojnë se burrat duhet gjithmonë të kenë fjalën e fundit mbi vendimet e familjes. Vetëm në Marok mendojnë se burri duhet të jetë gjithmonë vendim-marrësi i fundit.

Pranimi i homoseksualitetit ka ndryshuar, por është i ulët ose shumë i ulët në të gjithë rajonin. Në Liban, pavarësisht se ka një reputacion për të qenë më socialisht liberal sesa fqinjët e saj, shifra është 6%.

 

Çdo vend i anketuar vendos politikat e Donald Trump për Lindjen e Mesme të fundit. Në të kundërt, në shtatë nga 11 vendet e anketuara, gjysma ose më shumë e miratuan qasjen e Presidentit turk, Rexhep Tajip Erdogan.

 

 

Libani, Libia dhe Egjipti renditën politikat e Vladimir Putinit përpara Erdoganit.

Siguria mbetet një shqetësim i madh për Lindjen e Mesme dhe Afrikën e Veriut. Kur u pyetën cilat vende përbënin kërcënimin më të madh për stabilitetin e tyre dhe sigurinë kombëtare, pas Izraelit, SHBA-ja u identifikuan si kërcënimi i dytë më i madh në rajon në tërësi dhe Irani ishte i treti.

Në çdo vend të pyetur, hulumtimi sugjeroi se të paktën një në pesë vetë po konsideronte të emigronte. Në Sudan, kjo përbënte gjysmën e popullsisë. Arsyet ekonomike u përmendën në mënyrë dërrmuese si faktor lëvizës.

Numri i atyre që mendojnë të largohet për Amerikën e Veriut është rritur, dhe ndërsa Evropa është më pak popullore se sa ishte, ajo mbetet zgjedhja më e mirë për ata njerëz që mendojnë të largohen nga rajoni.

Anketa u krye nga rrjeti kërkimor, Barometri arab. Projekti intervistoi 25,407 persona ballë për ballë në 10 vende dhe territore palestineze. “Barometri arab” është një rrjet kërkimor i bazuar në Universitetin Princeton

Për arsye ligjore dhe kulturore disa vende kërkuan të heqin disa pyetje. Këto përjashtime merren parasysh kur shprehin rezultatet, me kufizime të qarta./dosja

OPINIONE