Niveli i konsumimit të duhanit tek të rinjtë e grupmoshës 15-24 vjeç në Bashkimin Evropian (BE) është rritur në 29 për qind.
Anëtari i Komisionit të BE-së, përgjegjës për shëndetin dhe sigurinë e ushqimit, Vytenis Andriukaitis deklaroi se 273 mijë e 400 persona në gjithë BE-në gjatë vitit 2015 e kanë humbur jetën nga kanceri i mushkërive, i cili buron nga konsumimi i duhanit.
Sipas tij, niveli i konsumimit të duhanit në BE që nga viti 2014 e deri më tani është 26 për qind. “Është shqetësuese se në vitin 2014 ky nivel në grupmoshat 15-24 vjeç ka qenë 25 për qind ndërsa në vitin 2017 është rritur në 29 për qind”, thotë Andriukaitis.
Ai tha se BE-ja në vitin 2020 do t’i ndalojë cigaret me mentol duke shtuar se edhe përdorimi i cigares elektronike, e cila është e përhapur në mesin e të rinjve është e dëmshme për shëndetin e njeriut. (AA)
