Ish-kryeministri Sali Berisha gjatë fjalës së mbajtur dje në qadrën e Partisë Demokratike, ka paralajmëru mbylljen e Universitetit Europian të Tiranës, ndonëse jo drejtëpërdrejtë.
Berisha deklaroi sot se kryeministri Edi Rama “ka krijuar mafien e tij” dhe i drejtoi gishtin administratorit të një universiteti privat në Tiranë, Henri Çilit, se është kthyer në një Institut të Studimeve Marksiste të Nexhmije Hoxhës, pasi ka shkelur ligjin e depolitizimit dhe e ka kthyer institucionin në strofkull të organeve të krimit shtetëror.
Berisha nuk ia përmendi emrin Çilit, por e nënkuptoi dhe e etiketoi si ‘sharlatan” .
Berisha u tha protestuesve: “Edi Rama ka krijuar mafien e tij. E dini dhe ju se Shqipëria ka rreth 50 universitete publike dhe private. Asnjë universitet publik, asnjë përveç njerit privat, nuk merr përsipër të shkelë rregullin e depolitizimit, po është një universitet i cili është bërë si Institui i Studimeve Marksiste të Nexhmije Hoxhës. Ky është universiteti “Kristaq Rama”!
Tani unë dua t’i them Rektor-Presidentit të tij: Zotëri, liritë për të cilin keni luftuar të njohin të anëtarësohesh në Partinë Socialiste, të bëhesh nënkryetar i saj, të marrësh çdo funksion dhe kjo është liria jote. Por të shndërrosh universitetin në kundërshtim me ligjet në strofull të organeve të krimit shtetëror do të ketë pasoja të rënda dhe i paralajmëroj, iu bëj thirrje studentëve t’i tregojnë vendin këtij sharlatani, t’u tregojnë vendin atyre që për xhepat, për korrupsionin kërcënojnë diplomat tuaja, për t’u berë të pavlefshme në aktin e parë të fitores së demokracisë.
Edi Rama edhe njëherë, të bëj thirrje, largohu! ”
Gazeta Impakt
