Zhvillimet e fundit në Ballkan dhe negociatat për emrin e Maqedonisë ishin temat kryesore të një bisede telefonike mes kryeministrit grek, Aleksis Cipras dhe zëvendëspresidentit amerikan, Mike Pence.
Sipas burimeve qeveritare, Cipras i bëri të njohur zyrtarit të lartë amerikan qëndrimet e qeverisë greke për tremat e sipërcituara.
Ndërkohë, Pence përshëndeti përpjekjet e Athinës për gjetjen e një zgjidhjeje për emrin e Maqedonisë si edhe rolin e saj për të ardhmen e rajonit.
Ai theksoi se në përpjekjet për gjetjen e një emri duhej të merrej parasysh edhe faktori kohë.
Pence tha se mbështeste propozimet e ndërmjetësuesit special të OKB-së, Matthew Nimetz për çështjen e emrit të Maqedonisë. (ATSH)
