Deputeti i LIBRA-s Ben Blushi ka deklaruar votën kundër në seancën e sotme plenare e cila mbahet për të zgjedhur Metën president.
“Kam patur të drejtë kur kam thënë se kriza po hyn në krizë. Ilir Meta kërkon të zgjidhet President në mes të krizës, për shkak të krizës dhe në kurriz të krizës, për ti ikur krizës.
Kur të gjithë duhej të lëshonim diçka për të lehtësuar peshën e anijes së Shqipërisë që po mbytet, ky mori edhe atë pak pushtet që kishte mbetur.
Ilir Meta u bë President nga frika dhe jo nga shpresa. Ilir Meta është Presidenti i Rilindjes dhe jo i Popullit. Është Presidenti i të shkuarës jo i të ardhmes. E si mund ta votoj?
LIBRA voton vetëm të ardhmen”- shkruan Ben Blushi në Facebook./ Gazeta Impakt
