Përmes një videoje, Irani ka zbuluar bunkerin nëntokësor të raketave, pamje këto të cilat i ka transmetuar live në televizion.
Videoja shfaq një tunel të gjatë thellë në tokë i pajisur me raketa, kamionë dhe pjesë tjera që e përbëjnë sistemin raketor Qiam 1.
Në hyrje të bunkerit shihen posterët e liderit suprem Ayatollah Ali Khamenei dhe presidentit Hassan Rouhani.
Menjëherë pas posterave, hapen dyert e çelikta ku pas një udhëtimi të gjatë nëpër tunel shfaqet koka gjigante e një rakete.
Ndërkaq, ministri i Punëve të Jashtme i Iranit, ka hedhur poshtë akuzat që i janë bërë gjatë samitit të organizuar nga vendet myslimane, në veçanti nga Arabia Saudite që ka deklaruar se sjelljet e Iranit kërcënojnë stabilitetin dhe sigurinë e rajonit.
burimi: /javanews
