Bota

Brexit mund të shkojë në Gjykatë

Dhoma e Lordëve më në fund miratoi një projekt-ligj për të parandaluar një Brexit pa marrëveshje.

Projekt-ligji kërkon që Johnson të kërkojë nga BE që të zgjasë tërheqjen e Britanisë nga kufijtë e saj në mënyrë që të shmangë një Brexit pa marrëveshje më 31 tetor. Teksti pritet të nënshkruhet nga Mbretëresha Elizabeth të hënën dhe do të bëhet ligj automatikisht.

Gjithashtu, gjatë një votimi të hënën, partitë opozitare pritet të votojnë kundër propozimit të Johnson për zgjedhje të parakohshme më 15 tetor për të vendosur se kë dëshiron të dërgojë populli në samitin e liderëve të BE, të planifikuar për në 17 dhe 18 të të njëjtit muaj.

Gjatë vizitës së tij në Skoci dje, kryeministri britanik tha se ai nuk ka ndërmend të japë dorëheqjen, porshtoi: “Unë do të shkoj në Bruksel, do të arrij një marrëveshje dhe do të sigurohem që të largohemi më 31 tetor.” Në të njëjtën kohë, deputetët britanikë, përfshirë konservatorët që u përjashtuan nga partia e tyre këtë javë, po përgatiten të ndërmarrin veprime juridike nëse kryeministri britanik Boris Johnson refuzon të ndjekë një shtyrje të Brexit.

Deputetët kanë formuar një ekip ligjor dhe thonë se do ta dërgojnë çështjen në gjykatë për të shtyrë këtë projekt-ligj. Johnson argumenton se e vetmja zgjidhje për heqjen e ngërçit mbi Brexit është mbajtja e zgjedhjeve të parakohshme më 15 tetor, të cilat do t’i lejonin atij të fitonte një mandat të ri, vetëm dy javë para largimit nga BE./parstoday

OPINIONE