Bota

Çavusoglu: Duhet shumë angazhim në luftën kundër racizmit

Ministri i Jashtëm i Turqisë, Mevlut Çavusoglu glu i tha homologut të tij gjerman, Heiko Maas të mërkurën se racizmi dhe ksenofobia mund të mposhten vetëm së bashku dhe me vendosmëri.

Ai iu përgjigj një postimi në Twitter nga ministri i Jashtëm gjerman Maas duke shënuar përvjetorin e vrasjes së Enver Şimşek nga grupi terrorist i ekstremit të djathtë National Underground Socialist (NSU).

“Enver Şimşek u qëllua me armë nga neo-nazistët 20 vjet më parë dhe ndërroi jetë dy ditë më vonë. Shumë persona e quajtën atë ‘vrasje me qebap’, kurse atë ‘turku'”. Le të tregojmë më në fund historinë e tij saktë: Enver Simsek ishte një familjar dhe luleshitës. Ai ishte njëri nga ne”.

Çavusoglu tha: “I dashur Heiko, faleminderit për ndjeshmërinë tuaj. Por, është një fakt që ne nuk kemi arritur aq sa duhet në 20 vitet e fundit. Ne mund të mposhtim racizmin dhe ksenofobinë vetëm së bashku dhe me vendosmëri. Zoti e mëshiroftë z. Simsek”.

Simsek, viktima e parë e NSU-së në Gjermani, u qëllua tetë herë më 9 shtator të vitit 2000 në qytetin Nurnberg, ku shiste lule për të mbajtur familjen e tij.

Gjashtë burra të tjerë u vranë në të njëjtën mënyrë në një seri vrasjesh që vazhduan deri në vitin 2006. Krimet u referuan në mediat gjermane si “Vrasje të Qebapit”, pasi disa nga viktimat punonin në restorantet turke të ushqimit të shpejtë./AA

OPINIONE

INTERVISTA