nga Gjergji Thanasi
Ish terroristja Marjam Rajavi shefe, kapo e organizatës MEK të të ashtuquajturve muxhahedinë iranianë (Kazerma e Manzës) hodhi në gjyq gazetaren e prestigjozes gjermane “Der Spiegel”, Louisa Hommerich për artikullin e saj me titull: Të Burgosur të Rebelimit, botuar nga “Der Spiegel” në 16 shkurt 2019. Ndër të tjera organizata MEK e akuzonte gazetaren për lidhje me shërbimin sekret dhe agjensitë represive (shtypëse) të rregjimit iranian. Po citojmë saktësisht akuzën në anglisht të muxhahedinëve për kolegen gjermane: Inquiries quickly revealed that Luisa Hommerich was by no means an ordinary journalist. It became clear that she had spent a long time in Iran and had extensive contacts with the Iranian regime’s repressive and security agencies while in the country. Për lexuesit kureshtarë po ofrojmë edhe linkun e komunikatës zyrtare për shtyp të MEK-NCRI (muxhahedinëve iranianë) të ish terroristes Rajavi. Linku: https://www.ncr-iran.org/en/ncri-statements/iran-resistance/25871-modern-death-and-terrorist-fatwa-issued-by-der-spiegel-or-by-the-mullahs-islamic-revolutionary-court Me sa duket ish terroristëve iranianë, nuk u pëlqejnë shkrimet e gazetarëve profesionistë perëndimorë, por vetëm fjalimet (e parapaguara) të VIP-ave këtej dhe andej Oqeanit Atlantik!
Edvini kryeministër i Shqipërisë dhe Skëndërbe i Spiropalit, fatkeqësisht po kopjon pikë për pikë sjelljen, që ish terroristja Rajavi manifeston me gazetarët perëndimorë, që nuk ishkojnë pas avazit zonjës Mejreme! Edvini pas publikimit të grupit të dytë të përgjimeve nga gazetari Peter Tiede i “Der Spiegel” deklaroi se do ta hedhë në gjyq gazetarin për nxjerrje sekreti hetimor.
I kujtoj z/zj. Fuga në kryeministri, se duhet të marrë shembull nga Miti Tona 33 vjete më parë dhe mos t’i fryjë zjarrit të kryeministrit, zjarr i shkaktuar nga konsumi i miellit të bardhë jo fort cilësor. Miti Tona, pasi kufitarët tanë vranë një turist VIP francez, i urdhëroi kryeredaktorët e mediave shqiptare, që përvec Zërit të Popullit, që do botonte një përgënjeshtrim 8-9 rreshta në një kolonë, nuk duhet të shkruanin as edheë një fjalë për këtë vrasje, sepse sa më shumë të shkruhej, aq më shumë dëmtoheshin interesat e Atdheut socialist. Këtë historinë me Miti Tonën e ndesha, në një nga spiunimet e shumta, që i bënte Niko Nikollës (kryeredaktor i atëhershëm i Revistës Hosteni) bashkëpunëtori i Sigurimit me pseudonimin “Qafa e Gjashtës”, një grekofon, plehër e vërtetë njerëzore! Miti Tona ndryshe nga Fuga sot kishte aq mend në kokë, sa që të mos e përziente marmalatën e fikut me shkop, sic po tenton të bëjë kryeministri Edvin me këto paditë kundra kolegut gjerman.