Pronari i “Shqiptarja.com, Karlo Bolino duket se nuk përdor më frena. Në një shkrim ku ka marrë përsipër të analizojë atë që e quan si aktin kurajoz të Tahirit, gazetari italo shqiptar shqyrton edhe mungesën e provave që tani për tani bëjnë të pamundur arrestimin e ish ministrit të brendëshëm. Pasi vëren me të drejtë se “Ato që gjashtë muaj më parë iu paraqitën Komisionit Parlamentar të Mandateve dhe që përfunduan më pas nëpër media, nuk janë prova që ta
mbërthejnë Saimir Tahirin me ndonjë përgjegjësi penale” Bolino shton se:
“Fakti që dy trakantë, edhe pse kushërinj, flasin për të në një përgjim telefonik, nuk është një provë gjyqësore”. Por nëse për këtë dy argument në një mbrojtje të sforcuar për aktin kurajoz të Tahirit, Bolino mund të këtë të drejtë ai kalon cdo limit kur bën arsyetimin e mëposhtëm: “fakti pse i ka shitur makinën kushëririt trakant dhe që e ka takuar jashtë shtetit kur ishte për pushime me grua e fëmijë nuk e bën atë trafikant droge. Madje, është kaq e pabesueshme që një ministër ta ketë lejuar të përdoret kaq lirisht makina e tij si mbulim për një trakant, saqë kjo duket më shumë si një provë në favor të besueshmërisë së Tahirit, se sa për të kundërtën”.
