DASH gënjen për lirinë fetare në Shqipëri, mohon terrorin islamofobik

Departamenti amerikan i Shtetit nxori të martën raportin e tij vjetor mbi gjendjen e lirisë së besimit në botë. Raporti përfshinë të dhëna për gjendjen e lirisë së besimit në 200 shtetet e territore dhe dokumenton shkeljet e kryera nga qeveritë, grupet terroriste dhe individët.

Në këtë raport analizohet në kapituj të veçantë edhe liria e besimit në Shqipëri dhe Kosovë, në të cilët theksohen probleme të ngjashme me të kaluarën, raporton VOA.

Raporti vë në pah se kushtetuta e Shqipërisë garanton lirinë e besimit. Ajo përcakton se nuk ka një fe zyrtare, thotë se shteti është neutral në çështjet e besimit, njeh barazinë dhe pavarësinë e grupeve fetare dhe ndalon diskriminimin në baza fetare.

Megjithëse raporti flet me nota pozitive për harmoninë fetare në Shqipëri dhe qëndrimin e qeverisë ndaj besimeve të ndryshme, ai vë në dukje se është shënuar pak përparim lidhur me kthimin e pronave të institucioneve fetare. Qeveria ka trajtuar kërkesat e grupeve tradicionale fetare lidhur me kthimin e pronave të konfiskuara gjatë regjimit komunist, megjithatë shumë raste mbeten ende të pazgjidhura.

Qeveria, thuhet në raport, ka legalizuar 137 xhami, krahasuar me 6 syresh një vit më parë. Shumica e tyre ishin ndërtuar pa leje gjatë viteve të 90-ta. Kryeministri ka shpallur një projekt sprovë që përfshinë 10 shkolla me synimin për nxitjen e tolerancës fetare në shkollat e mesme si mjet për luftën kundër ekstremizmit të dhunshëm. Por, ai ka theksuar se nisma e tij nuk do të ndikojë mbi sistemin arsimor sekular të vendit.

Raporti thekson se Këshilli Ndërfetar që duhej të vepronte si një forum i udhëheqësve të komuniteteve fetare ku do të diskutoheshin shqetësimet e përbashkëta, nuk është mbledhur sikurse një vit me herët. Papa Françesku priti në Romë kreun e rendit Bektashi të Shqipërisë, që është pritja e parë e një udhëheqësit fetar tek Papa.

Raporti thekson se zyrtarët e ambasadës amerikane kanë vazhduar të nxisin zgjidhjen e çështjes së pronave, kanë zgjeruar projektet për kultivimin e diversitetit fetar dhe kanë punuar me komunitetet fetare dhe organizatat joqeveritare, për të shkurajuar ekstremizmin e dhunshëm të lidhur me besimin si dhe për të nxitur tolerancën fetare.

Raporti vë në pah se disa politikanë kanë vazhduar të kritikojnë Arqipeshkopin e Kishës Autoqefale Ortodokse të Shqipërisë për lidhjet me qeverinë greke.

Më 12 nëntor, Myftiu i madh Skender Bruçaj, udhëheqës i Bashkësisë Islame, mirëpriti ekipin izraelit të futbollit që po luante me Shqipërinë, duke vënë theksin tek toleranca dhe harmonia fetare ne vend. 

Raporti që aparatcikët e Ambasadës Amerikane kanë shkruar për liritë fetare në Shqipëri, dështon në mënyrë skandaloze që të përmendë dhunën fetare që qeveria Rama ka ushtruar kundër muslimanëve në vitin 2016.

Në raport nuk përmenden arrestimet masive të mbi 150 muslimanëve gjatë ndeshjes me Izraelin, rrahjen masive të besimtarëve nga organet e rendit gjatë ndeshjes me Izraelin, burgosjen pa fakte të një grupi besimtarësh me pretendimin që do të sulmonin ekipin e Izraelit dhe dëbimet masive të muslimanëve kosovarë dhe të Maqedonisë me rastin e kësaj ndeshje.

Raporti nuk ka vënë në pah rastet e islamofobisë dhe dhunën e ushtruar kundër besimtareve muslimane gjatë vitit 2016 nga individë ekstremistë dhe islamofobë.

Raporti gjithashtu nuk ka treguar provokimet që grupe të ndryshme katolike kanë bërë në veri të vendit kundër objekteve kulturore dhe fetare muslimane.

Raporti ka injoruar edhe protestat e komunitetit ortodoks në jug të vendit i cili në mënyrë të vazhdueshme kanë protestuar masat antiortodokse të qeverisë Rama.

Raporti nuk merr parasysh as ankesat e qeverisë turke dhe iraniane kundër qeverisë shqiptare e cila akuzohet se strehon dy grupe terroriste në vend, organizata FETO dhe Muxhahidinët iranianë.

Raporti injoron në mënyrë skandaloze prezencën e grupit të Muxhahidiëve iranianë të cilët bëjnë thirrje në mënyrë të hapur për luftë kundër një vendi të huaj.

Raporti i DASH është një raport i mbushur me gënjeshtra dhe manipulime.

NDANI KËTË POSTIM

Mund tju interesojne