Zv/komandanti i Komandës Evropiane të SHBA-ve, gjeneral lejtnant Stephen Twitty dhe zv/komandant i Komandës Qendrore të SHBA-ve, Thomas Bergeson, përfunduan takimet e tyre në Shtabin e Përgjithshëm të Turqisë.
Sipas një deklarate nga Ministria turke e Mbrojtjes, delegacioni ushtarak amerikan në kuadër të zonës së sigurt që do të formohet në Siri, ka kryer një vizitë në Shtabin e Përgjithshëm të Turqisë.
Gjithashtu bëhet e ditur se bisedimet do të vazhdojnë nesër në Qendrën e Përbashkët të Operacioneve në Akçakale.
Më 7 gusht, zyrtarët ushtarakë turq dhe amerikanë ranë dakord të krijojnë një zonë të sigurtë në veri të Sirisë dhe të krijojnë një korridor paqeje për të lehtësuar lëvizjen e sirianëve të zhvendosur që duan të kthehen në shtëpi. Ata poashtu ranë dakord të krijojnë një qendër të përbashkët operacionesh.
Marrëveshja poashtu parashikonte vendosjen e masave të nevojshme të sigurisë për të adresuar shqetësimet e sigurisë së Turqisë përfshirë pastrimin e zonës së terroristëve YPG/PKK, grup që ndonjëherë me SHBA-të është bërë aleat./AA
