Janë zbardhur detaje të reja nga ngjarja e rëndë e ndodhur mbrëmjen e djeshme në qytetin e Durrësit, ku një bashkëshort pasi ka goditur me sende të forta bashkëshorten e tij, më pas ka tentuar ti japë fund jetës.
Sipas dinamikës së ngjarjes, Artan Hasa, 50 vjeç pasi është grindur me gruan e tij, E.Hasa, e ka goditur këtë të fundit me bishtin e sëpatës në kokë, duke e lënë pa ndjenja.
Në kushtet e tronditjes së fortë psikike, Hasa ka tentuar ti japë fund jetës duke u hedhur nga ballkoni por është ndalur nga fqinjët e tij.
E gjithë ngjarja ka ndodhur në sy të fëmijëve.
Çifti thuhet se kishte një marrëdhënie të vështirë të shoqëruar shpesh me dhunë.
Artan Hasa punonte si shofer, ndërsa bashkëshortja e tij punonte si ndihmëskuzhiniere.
Kjo e fundit për shkak të dhunës së shpeshtë që bashkëshorti ushtronte ndaj saj, kishte kërkuar ndarjen prej tij.
Artan Hasa është arrestuar nga policia, ndërsa gruaja ndodhet në spital./Tpz