Bota

Dhoma e Lartë Ruse dënon ligjin e ri arsimor të Ukrainës

Ligjvënësit e Këshillit të Federatës Ruse miratuan një deklaratë të mërkurën duke dënuar ligjin e fundit të autoriteteve ukrainase mbi arsimin, i cili pretendohet nga ata se shkel të drejtat themelore të njeriut.

MOSKË (Sputnik) – Të mërkurën, senatorët e Këshillit të Federatës Ruse miratuan një deklaratë që kritikon ashpër ligjin e fundit të Ukrainës mbi arsimin. Sipas tyre, ky ligj shkel të drejtat e njeriut dhe BE-ja, OSBE-ja dhe OKB-ja duhet që ta dënojnë atë.

“Ne i bëjmë thirrje Komisionerit të Lartë të OKB-së për të Drejtat e Njeriut, Komisionerit të Lartë të OSBE-së për Pakicat Kombëtare, Komisionerit për të Drejtat e Njeriut të Këshillit të Evropës, si dhe parlamenteve të vendeve evropiane dhe organizatave ndërkombëtare parlamentare në Evropë për të dhënë një vlerësim objektiv të ligjit antidemokratik të Ukrainës dhe të mbrojë të drejtat e pakicave etnike dhe të drejtat e fëmijëve në atë vend “, sipas dokumentit të propozuar.

Ligji i ri i Ukrainës për arsimin përcakton që nga 1 shtatori 2018, fëmijët e pakicave kombëtare do të jenë në gjendje të studiojnë vetëm në gjuhën e tyre amtare në shkollën fillore, ndërsa arsimi i mesëm dhe pas shkollës së mesme do të jetë në gjuhën ukrainase. Klasat në të gjitha nivelet supozohet të mësohen ekskluzivisht në gjuhën ukrainase deri në vitin 2020. Sipas ligjit, gjuhët e pakicave mund të mësohen si një lëndë e veçantë. Në të njëjtën kohë, legjislacioni përcakton mësimin e një ose dy disiplinave në gjuhët e vendeve të BE.

Të hënën, Poroshenko nënshkroi ligjin për arsimin, duke nxitur diskutime të nxehta për shkak të dispozitës mbi gjuhën e mësimdhënies, e cila është projektuar për të promovuar më tej gjuhën ukrainase në procesin arsimor. Bashkë me Rusinë edhe qeveritë hungareze dhe rumune e kanë kritikuar ligjin, duke thënë se ai ka shkelur Kushtetutën e Ukrainës, detyrimet ndërkombëtare të Ukrainës dhe të drejtat e pakicave kombëtare në Ukrainë./ Gazeta Impakt

burimi:sputnik

OPINIONE

INTERVISTA