Naftëtaret e Ballshit, kanë hyrë në ditën e gjashtëmbëdhjetë të grevës së tyre të urisë, brenda ambienteve të uzinës së naftës. Gjendja shëndetësore e tyre vijon të përkeqësohet.
Por gratë naftëtare, shprehen se janë të vendosura të vijojnë grevën edhe pse konfirmojnë se forca fizike e tyre ka shteruar tashmë.
Një ditë pasi kryeministri përsëriti thirrjen që ato të lënë grevën për të biseduar, njëlloj si bosët e ekipeve të futbollit, naftëtaret shprehen se nuk do ta braktisin grevën, pasi nuk kanë besim.
“Nuk dalim që këtu. I bëjmë thirrje kryeministrit Rama, do të dalim kur të marrim pagat e fituara me gjyq. Nuk negociojmë jashtë grevës se nuk kemi besim.”– thonë ato.
Ndërkohë gratë kanë kërkuar një grup negociator që do të diskutojë me kryeministrin./Tpz
