Bota

Dorëzimi i hidrogjenit i mundur në të ardhmen përmes “Rrjedhës Veriore 2”

Dorëzimi i ardhshëm i hidrogjenit është i mundur përmes tubacionit të gazit natyror “Rrjedha Veriore 2”, tha sot sekretari i përgjithshëm i Eurogas, James Watson, raporton Anadolu Agency (AA)

Sipas agjencisë së lajmeve Sputnik, Watson tha se nga diskutimet me Gazprom-in e Rusisë, aksionari kryesor i kompanisë “Rrjedha Veriore 2 AG”, ekziston mundësia e furnizimit të 80 për qind të kapacitetit të hidrogjenit përmes tubacionit.

Me axhendën e fortë të dekarbonizimit në Bashkimin Evropian, një rajon në të cilin projekti i dy tubacioneve paralele “Rrjedha Veriore 2” arrin destinacionin e tij në Gjermani, Watson tha se hidrogjeni do të zëvendësojë gazin natyror në disa pjesë të sistemit.

Hidrogjeni është një karburant me emetim zero kur digjet me oksigjen. Mund të përdoret në qelizat e karburantit ose motorët me djegie të brendshme për të fuqizuar automjetet elektrike ose pajisjet elektrike. Përdorimi i tij filloi në automjetet komerciale të karburantit, siç janë veturat e pasagjerëve, dhe është përdorur për autobusët për shumë vite./ AA

OPINIONE

INTERVISTA