Shqiperia

“ Dy deputetët pasuri miliona euro, por marrin ndihmë ekonomike”, Kristo-Xhaxhiut: Ça të them? Ka nga ata që…

Në emisionin e mëngjesit të Xhaxhiut në ‘Fax News’ sot ishte i ftuar pedagogu Erion Kristo për të diskutuar në lidhje me ngjarjet dhe fenomenet negative që po ndodhin në vendin tone, ku ai mbetet një nga zërat kryesorë që ngreh problemet e shoqërisë.

Sipas tij problematik është dhe brezi që po rritet në Shqipëri, ku mjafton të shikosh se si mblidhen në grupe për të vrarë njëri-tjetrin për të kuptuar situatën alarmante.

Ndërsa shprehu mendimin e tij për tema të ndryshme ai foli edhe për drejtësinë që sipas tij vepron me dy standarte, duke risjellë në vëmendje rastin e kuksianëve të cilët protestuan për një të drejtë bazike dhe u futën në burg. Kristo iu referua edhe vetingut, si një sistem që synon që të pastrojë drejtësin shqiptare.

Por ai edhe këtu është shumë skeptik, pasi deklaroi se nuk është bërë një analizë për të gjetur shkaqet e vërteta se ku ka çaluar sistemi, duke shtuar se do kishte preferuar që edhe ata të vetingut të kontrolloheshin nga dikush. Një problem tjetër sipas tij është vonesa e madhe e procesit, ndërkohë që shoqëria shqiptare pret me padurim drejtësi.

“Vetingun e mendoja që do të ishte një proces, për të clën shoqëria shqiptare ka dhënë shumë para që të sillte drejtësi, por unë do doja që puna e tyre të kontrollohej, gjykatësit hiqen nga puna se nuk justifikohen lekët, por unë do doja të analizohej sistemi i drejtësisë, ku çalon puna, por kjo s’po del. Dhe tjetra se sa ngadalë e kanë marrë, ndërkohë që ne shqiptarët preisim dita, ditës drejtësinë”, deklaroi ai Kristo.

I ngacmuar nga Xhaxhiu për pasurinë prej 150 milionë eurove, të 140 deputetëve të Kuvendit të bëra publike nga “Open Data Albania”, Erion Kristo deklaroi se shumë prej tyre nuk e dinë se pse janë aty, duke nënvizuar se ka edhe të ndershëm. Por një pjesë sipas tij janë kthyer në hajdutë, që ai i krahasoi me ‘xhepistë’.

Xhaxhiu: Pasuria e deputetëve, 150 milionë euro pasuri. 360 shtëpi, Adnor Shameti i PS, 27 shtëpi, Astrit Veliaj i PD, 27 shtëpi, Tom Doshi 15, por jo vetëm kaq, ka deputetë që paguhen me ndihmë ekonomike, Fate Velaj, deputet i PS, pasuria 1.8 milionë euro dhe merr ndihmë ekonomike, Nard Ndoka, merr ndihmë, 900 mijë euro pasuri ka deklaruar….

Kristo: Po çfarë të them…ka dhe deputetë që nuk vjedhin dhe nuk janë të korruptuar, ka edhe nga ata që nuk e dinë pse janë aty, një deputet në shumë raste bën një vrimë në ujë, kjo marrja e lekëve apo falsifikimi i ligjit për të marrë ato dieta të qelbëta, është katastrofë…

I pyetur nëse kaq meritojmë ne si popull, shpesh edhe siç thuhet nga vetë shqiptarët, ai u shpreh se asnjë popull nuk e meriton të dhunohet apo të vidhet, por këtë nuk e kanë pësuar vetëm shqiptarët. Ai iu referua rasteve të tjera kur popuj shumë të emancipuar kanë rënë pre e diktatorëve, si në Spanjë, Rusi, Gjermani, apo edhe Itali por edhe Greqia me luftën civile.

“Asnjë popull nuk e meriton të dhunohet, grekët hanin dorën në kohën e diktaturës, çdo popull mund të shtypet. Asnjë popull nuk meriton të vidhet, fajin kryesorë e ka elita politike hajdute, ka pjesën e vet edhe elita intelektuale që sheh menderen e vet, edhe çdo njeri që na shikon ka pjesën e vet që nuk i bie problemit por komshiut”, tha Kristo.

Gjatë emisionit pati dhe telefonata të shumta dhe mesazhe nga publiku që shprehnin shqetësimet e tyre dhe mllefin për mënyrën si po drejtohet vendi, ndërsa njëri prej tyre, i cili bëri të ditur se ishte votues PS-së deklaroi se është i kënaqur që kryeministri e ka në dorë i vetëm timonin, ndërsa pedagogu iu përgjigj se e rëndësishme është se ku po na çon, duke theksuar se Rama ka gjithçka në dorë në vend, të gjitha pushtetet.

Ai u shpreh se nuk kritikon qeverinë, por qeverisjen pavarësisht se kush janë. Duke iu referuar një ndërhyrje të një qytetari i cili deklaroi se e vetmja zgjidhje është ikja nga vendi, por as në Europë nuk të mban askush pasi kryeministri bën thirrje që ti kthejnë përsëri, Erion Kristo ndër të tjera, deklaroi se ndryshimi duhet filluar që tek mënyra se si rrisim fëmijët tanë, “Duhet ti edukojmë me ndjenjën e përgjegjësisë”, theksoi ai.

OPINIONE

INTERVISTA