Kompania Albstar, e cila po rikonstrukton stadiumin “Qemal Stafa”, dyshohet se mund të jetë përfshirë në një skemë të grabitjes së energjisë elektrike në pallatet përreth.
Janë banorët e pallateve dhe bizneseve rreth stadiumit ata që e kanë ngritur këte shqetësim, pasi kanë vërejtur disa kanale të hapura natën, në të cilat lidhen kabuj përcjellës të energjisë.
Sipas banorëve, kompania ka ndërhyrë direkt në kabinat e energjisë të pallateve, për të rritur kapacitetin e saj furnizues, ndërsa në këte mënyrë shmamg investimin shtesë të një fideri të ri për furnizimin e saj.
Kompania operon me paisje të rënda dhe konsumi i saj i energjisë është ekstra, ndaj dhe duket se nevojat për furnizim kjo kompani dyshohet se po i siguron duke ndërhyrë në mënyrë të paligjshme në kabinat e pallateve përreth.
Banorët në disa raste kanë kërkuar shpjegime për këto ndërhyrje por kompania ka shmangur përballjen me ta dhe ka vazhduar punimet./ Hashtag.al.
