Shqiperia

Emrat/ Dy ndërtues arrestohen në Tiranë: Shisnin apartamentet nga dy herë

Dy ndërtues kanë rënë në pranga në Tiranë nën akuzë për mashtrim. Ata janë Bahri Alla dhe Fatmir Kurti. Sipas policisë ndërtuesit i kanë marrë një klienti 135 000 eurosh, për një apartament që nuk u bë kurrë i tij, pasi biznesmenet e kishin shitur dy herë tek persona të ndryshëm.

Njoftimi i policisë

Finalizohet operacioni policor i koduar “Fundi i bulevardit”, nga Seksioni për Krimin Ekonomik dhe Financiar në bashkëpunim me Prokurorinë e Rrethit Gjyqësorë Tiranë

Ekzekutohen masat e sigurisë të Gjykatës së Shkallës së Parë Tiranë për ndalimin e 2 ndërtuesve për veprën penale të “Mashtrimit me pasoja të rënda e kryer në bashkëpunim”.

Specialistët për Hetimin e Krimit Ekonomik dhe Financiar në bashkëpunim me Prokurorinë e Rrethit Gjyqësor Tiranë, në funksion të procedimit penal të vitit 2018, pas një pune intesive 4 mujore, në kuadër të operacionit “Fundi i bulevardit”, kryen ekzekutimin e masave të sigurisë të Gjykatës për ndalimin e shtetasve:

– Bahri Alla, 42 vjeç, banues në Paskuqan, Kamzë (ndërtues);

– Fatmir Kurti, 53 vjeç, banues në Paskuqan, Kamzëz (ndërtues).

Shtetasit e ndaluar, si ndërtues, që nga viti 2013 e në vijim, ndërmjet shpërdorimit të besimit i kanë marrë shtetasit M.T., një shumë prej 135 000 eurosh, duke e mashtruar me veprime juridike fiktive (kontrata noteriale) dhe duke i premtuar apartamente ndërtimi, të cilat u janë shitur personave të tretë.

Materialet proceduriale iu kaluan Prokurorisë pranë Gjykatës së Shkallës së Parë Tiranë, në ngarkim të shtetasve të sipërpërmendur, për veprën penale të “Mashtrimit me pasoja të rënda, kryer në bashkëpunim”.

 

OPINIONE

INTERVISTA