Shqiperia

EMRAT/ Kush janë vrasësit me pagesë në Elbasan, si i kontrolluan të gjitha lëvizjet e Emiljano Ramazanit

Dy persona janë arrestuar këtë të shtunë nga Policia, si autorë të dyshuar të vrasjes së Regis Runajt dhe Emiljano Ramazanit, ngjarje të ndodhura pak ditë më parë në Elbasan.

Gazetarja Dorjana Bezat raporton për “BalkanWeb” se kanë rënë në pranga dy të rinjtë Xhuljano Hoxha dhe Euglen Halili, të cilët janë janë paguar nga të tjerë për të kryer vrasjet.

“Gjatë orëve të para të mëngjesit të sotëm, strukturat e DVP Elbasan, në bashkëpunim me FNSH dhe RENEA-n, në kuadër të operacionit policor të koduar “Shkumbini”, bënë të mundur kapjen dhe prangosjen e dy shtetasve, si autorë të dyshuar të kësaj ngjarjeje, konkretisht Xh. H., 29 vjeç dhe E. H., 23 vjeç, të dy banues në Elbasan”, tha policia.

“Nga hetimet intensive ka rezultar se këta dy shtetas janë të përfshirë edhe në vrasjen e shtetasit Emiljano Ramazani, ndodhur më datë 20 korrik 2020 në qytetin e Elbasanit. Nga provat e grumbulluara rezulton se të dy këta shtetas kanë ndjekur dhe kontrolluar lëvizjet e 40-vjecarit Ramazani”.

“Po nga hetimet rezulton se këta shtetas, këto ngjarje i kanë kryer kundrejt pagesës nga persona të tjerë, për të cilët vijon puna intensive për dokumentimin me prova ligjore, kapjen dhe arrestimin e tyre”.

“Nga veprimet hetimore të kryera ka rezultuar se viktima Regis Runaj, mbrëmjen e ngjarjes ka qenë në shoqërinë e dy autorëve të dyshuar dhe pasi kanë konsumuar lëndë narkoitke, në një park në afrësi të varrezave të qytetit, janë drejtuar për në qytetin e Elbasanit.

Në afërsi të varrezave, shtetasi E. H. e ka goditur shtetasin R. R., një herë me thikë nga mbrapa shpinës dhe më pas e ka goditur edhe 26 herë të tjera duke i shkaktuar vdekjen e menjëhershme”, tha policia./BW

OPINIONE

INTERVISTA