Shqiperia

EMRI/ Qëlloi me armë zjarri në parkingun e një kompleksi në Tiranë, policia zbardh ngjarjen, arrestohet i riu

Policia e Tiranës zbardh ngjarjen e ndodhur ditën e djeshme në fshatin Qehaj, ku një person qëlloi me armë zjarri në ajër.

Gazetarja Dorjana Bezat raporton për “BalkanWeb” se ka rënë në pranga i riu Arnaldo Çiçaj, i cili ka qëlluar në në parkingun e një kompleksi, duke u larguar me shpejtësi. Gjithashtu, është shpallur në kërkim edhe shtetasi E. S., pasi ka qenë me 26-vjeçarin, ku ky i fundit ka qëlluar në ajër.

Njoftimi i policisë:

Kapet dhe arrestohet në flagrancë personi që gjuajti në ajër me armë zjarri si dhe shpallet në kërkim një shtetas tjetër.

Specialistët për Hetimin e Krimit në Komisariatin e Policisë Nr.1, pas marrjes të njoftimit se në fshatin Qehaj, janë dëgjuar të shtëna me armë zjarri, menjeherë kanë organizuar punën dhe falë veprimeve të shpejta dhe profesionale bënë të mundur kapjen dhe arrestimin në flagrancë të autorit të dyshuar, shtetasit A. Ç., 26 vjeç, si dhe u shpall në kërkim shtetasi E.S.

Në vijim të veprimeve të para proceduriale ka rezultuar se këta dy shtetas, ditën e djeshme kanë qëlluar me armë zjarri në ajër në parkingun e një kompleksi dhe më pas janë larguar me shpejtësi për t’i shpëtuar kapjes nga Policia.

Vijon puna për dokumentimin e plotë të ngjarjes.

Materialet do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme procedurale./BW

OPINIONE

INTERVISTA