Erdogan: Çfarë të bëjmë kur Amerika nuk dëshiron të punojë me ne?

Presidenti turk kërcënoi me kryerjen e operacioneve ushtarake kundër një “aleance ushtarake kurde të Sirisë” (Aleanca Demokratike Siriane”).

Siç raporton agjencia e lajmeve Fars, Rexhep Tajip Erdogan tha të shtunën pasdite se vendi i tij e kishte kundërshtuar grupin “Aleanca Demokratike Siriane” (PYD) dhe ndaj këtij grupi do të mbajë të njëjtin qëndrim që ka mbajtur ndaj ISIS-it. Duke deklaruar se Turqia patjetër do të vendosë sigurinë në kufijtë e saj jugorë me Sirinë, Erdogan shtoi: “Kur të kemi pastruar qytetet Afrin dhe Manbixh ( në provincën Alepo) nga terroristët e PYD-së, pronarët e tyre të vërtetë, do të kthehen në shtëpitë e tyre. ”

Erdogan gjithashtu iu referua ndihmave të ushtrisë amerikane për militantët kurdë dhe tha se përkundër premtimit të SHBA-së për mosarmatimin e Aleancës Demokratike Siriane, amerikanët kishin dorëzuar 4,000 kamionë me municione dhe automjete të blinduara për militantët kurdë të Sirisë. “Pala amerikane jo vetëm që arriti të shpërndajë këto armë përgjatë kufijve të Turqisë me Sirinë, por vazhdoi të ndajë një buxhet për militantët kurdë për vitin e ardhshëm,” vazhdoi presidenti turk. “Çfarë mund të bëjmë kur Shtetet e Bashkuara nuk dëshiron të punojë me ne”, tha presidenti i Turqisë, duke kritikuar veprimet e SHBA dhe duke shtuar: “Shtetet e Bashkuara janë të vetëdijshme për interesat e tyre, por secili në rajon duhet ta dijë faktin se ne gjithsesi do ta eliminojmë këtë grup terrorist në një të ardhme jo shumë të largët”/ PT

NDANI KËTË POSTIM

Mund tju interesojne