Shqiperia

Eurodeputeti Fleckenstein “rrëzon” raportin e teknikëve/Nuk ndikon për integrimin

Negociatori David McAllister dhe eurodeputeti Knut Fleckenstein, duke dale nga nje takim me kryetarin e PD, Lulzim Basha ne seline e PD. McAllister dhe Fleckenstein ndodhen ne Tirane, per te negociuar me partite me te medha, per ti dhene fund krizes politike ne vend./r/n/r/nNegotiator David McAllister and MEP Knut Fleckenstein, leaving from a meeting with PD leader Lulzim Basha in PD's headquarters. McAllister and Fleckenstein are in Tirana to negotiate with the bigger parties to end the political crisis in the country.

Eurodeputeti Knut Fleckenstein, njëkohësisht reporteri për Shqipërinë në Parlamentin Evropian, ka komentuar raportin final të ministrave teknikë për zgjedhjet e 25 qershorit.

Në një intervistë për Report Tv, Fleckenstein deklaron se raporti i ministrave të PD nuk do të ketë një ndikim negativ në integrimin e vendit.

Më tej, eurodeputeti shton se raporti merr një vlerë tjetër, nëse edhe OSBE ODIHR ka vërejtur të njëjtat shkelje dhe më pas mbetet për t’u parë sesi do të veprojë qeveria.

Intervista e plotë e eurodeputetit:

1.A do të ndikojë negativisht raporti i ministrave të opozitës për zgjedhjet parlamentare 2017 në integrimin e Shqipërisë?
Fleckenstein: “Raporti I ministrave teknik jo domosdoshmërisht do të ndikojë negativisht në procesin e integrimit të vendit. Më e rëndësishme është nëse OSBE/ ODIHR ka vërejtur të njëjtat shkelje dhe nëse po, se si qeveria do të merret me to.”

2. Shkelja e lirisë së votës vazhdon ende si fenomen, a mendoni se qeveria shqiptare ka bërë mjaftueshëm për të garantuar këtë liri?
“ Isha shumë I sigurtë se “ministrat e ri teknik” do të bënin çmos për të garantuar lirinë e votave. Por tani duhet të presim që Raporti i OSBE-së të vlerësojë nëse është bërë gjithçka e mundur për të garantuar lirinë e votave të qytetarëve shqiptarë.”

3. Qeveria e Rama 2 për shkak të 74 mandateve është sot më e fortë, opozita vazhdon të jetë e dobët. Çfarë garancie kanë qytetarët shqiptarë për demokracinë?
“Nuk kam dyshim se partitë e opozitës do të kenë një vështrim të afërt për procedurat dhe sjelljet e qeverisë.
Sigurisht që ata do të informojnë publikun për vëzhgimet e tyre dhe qasjet alternative për mënyrën e mundshme të qeverisjes.
Një shumicë absolute nuk është një rrezik për demokracinë.”

OPINIONE