Bota

Forcat izraelite vrasin të riun palestinez që marshonte në solidaritet me grevën e urisë në burgjet izraelite

Forcat ushtarake izraelite kanë vrarë një të ri palestinez në Bregun e pushtuar Perëndimor gjatë një marshimi në solidaritet me qindra palestinezë, të cilët kanë shkuar në grevë urie në burgjet izraelite në shenjë proteste ndaj politikës administrative të burgimit të regjimit të Tel Avivit dhe kushteve të ashpra të burgjeve.

Ministria palestineze e Shëndetësisë njoftoi në një deklaratë se dhjetëra protestues u bashkuan të premten në fshatin Nabi Salih, të vendosur 20 kilometra në veriperëndim të Ramallahut, për të shprehur mbështetjen e tyre për të burgosurit palestinezë dhe për të dënuar masat shtypëse të regjimit të Tel Avivit kundër të burgosurve.

Përleshjet shpërthyen kur forcat izraelite ndërhynë dhe qëlluan me armë për të shpërndarë turmën. Një 20 vjeçar palestinez, i identifikuar si Saba Abu Ubeid, u godit në gjoks me armë zjarri duke mos iu mbijetuar dot plagëve.

Kjo ka ndodhur më pak se një javë pasi forcat ushtarake izraelite vranë një të re palestineze në Jeruzalem el-Kuds, me dyshimin se ajo po përpiqej të kryente një sulm me thikë.

Ministria palestineze e Shëndetësisë e identifikoi vajzën si Fatima Afif Abd el-Rahman Hjeiji, 16 vjeç, nga fshati Qarawat Bani Zeid i Ramallahut.

Më 26 prill, forcat izraelite gjuajtën dhe plagosën një palestinez pasi ai me sa duket kërkoi të kryente një sulm ndaj makinës pranë pikës së kontrollit Huëëarah në jug të Nablusit, që ndodhet rreth 49 kilometra në veri të Jeruzalemit el-Kuds.

Territoret e okupuara palestineze kanë përjetuar tensione të reja që nga koha kur forcat izraelite vendosën kufizime në hyrjen e adhuruesve palestinezë në kompleksin e Xhamisë së Al-Aksa në Jeruzalem në gusht të vitit 2015.

Më shumë se 300 palestinezë kanë humbur jetën e tyre nga forcat izraelite në tensionet e vazhdueshme që nga fillimi i tetorit 2015.

Regjimi i Tel Avivit është përpjekur të ndryshojë përbërjen demografike të Jeruzalemit gjatë dekadave të fundit duke ndërtuar vendbanime, duke shkatërruar vendet historike dhe duke dëbuar popullsinë palestineze lokale. Palestinezët thonë se masat izraelite synojnë të hapin rrugën për judaizimin e qytetit.

Kompleksi i xhamive al-Aksa është një vend i ndezur islamik, i cili është gjithashtu i shenjtë për hebrenjtë. Xhamia është vendi i tretë më i shenjtë i Islamit pas Mekës dhe Medinës në Arabinë Saudite. / © Gazeta Impakt

OPINIONE

INTERVISTA