Prej 2 ditësh familja e Albert Veliut është larguar dhe nuk qëndron më në shtëpi. Që pas daljes së përgjimit mes tij dhe Agron Xhafajt, ish skafisti tha se ndaj tij kishin nisur kërcënimet si nga miqtë e Agron Xhafajt, ashtu edhe nga policia. Njëra prej fqinjëve të tij konfirmoi për mediat se familja e Veliut nuk duket në shtëpi prej disa ditës. Ajo tha se ka patur marrëdhënie të mira me bashkëshorten e Veliut, teksa ka shtuar indinjimin lidhur me faktin se çështja e Veliut u bë politike.
“ Familja e Albert Veliut është e zhytyr në borxhe. Mori fëmijët në qafë, për çfarë i duhet politika. Gruaja dhe fëmijët kanë 2 ditë që kanë ikur nga shtëpia. Të paktën t’i nxjerrin fëmijët jashtë“-ka thënë gruaja.
