FRONTEX blindon nesër kufirin, Komisioneri: Dua t’u shoh në BE! Rama: Jemi të besueshëm

Në fund të fjalës së tij kryeministri Edi Rama u shpreh se shqiptarët janë të dashuruar me BE-në, por jo naivë në këtë dashuri të verbër për BE-në që sot kërcënohet nga verbëria ndaj historisë së BE-së. “Ata që kanë ardhur nga jashtë sot dua t’u them që 93% e njerëzve mbështesin integrimin në BE. Nuk është arsye për të buzëqeshur me cudi se ne nuk jemi naivë në këtë dashuri të verbër për BE-në që sot kërcënohet nga verbëria ndaj historisë së BE-së. Ne jemi thjeshtë dhe vetëm pjesë e një territori që luftën nuk e ka parë thjeshtë në TV arkivat bardh e zi apo përmes filmave por e kemi pasur këtu 500 mijë shqiptarë nga Kosova këtu i solli lufta, ashtu si në gjithë këtë rajon viktima të panumërta ka bërë lufta në kohën kur në BE-në lufta konsiderohej një cështje e zgjidhur e të shkuarës falë BE-së. Me kënaqësinë e madhe që sot keni ardhur në një vend që 93% është i dashuruar me Europën  dhe me urimin që në Europë ta gjeni dashurinë për vetveten unë iu falenderoj shumë”.

Rama është shprehur se numri i shqiptarëve të paligjshëm në vendet e BE-së ka rënë me 27% sipas raportit të fundit të institucioneve të Brukselit, po ashtu edhe azilkërkuesit me 32%. Kreu i qeverisë theksoi se falë bashkëpunimit të disa vendeve partnere që u përballën me këtë problem emigrimi është minimizuar në shifra të papërfillshme. ‘Ne jemi të gjithë krenarë edhe për një tjetër faqe të historisë sonë, kur Shqipëria u bë i vetmi vend në Europë me më shumë hebrej pas luftës se para luftës, gjatë luftës hebrejtë migronin për t’u strehuar në Shqipëri. Asnjë hebre nuk humbi jetën dhe asnjë nuk iu dorëzua nazistëve. Ne jemi të vetëdijshëm se jetojmë në një kohë ku duhet të japim kontributin tonë kundër emigrimit të paligjshëm në BE. Ky projekt sa ndihmë e madhe edhe sfidë prej ku vendi do të përfitojë në aspektin e reputacionit.

Emigracioni i paligjshëm i shqiptarëve vijon që të bjerë në mënyrë të ndjeshme dhe bazuar në raportin e 2018 të KE-së, në 2018 e kanë kaluar kufirin në mënyrë të paligjshme për në BE 27% më pak shqiptarë se një vit më parë, ndërsa kërkesat për azil janë ulur me 32% në gjysmën e parë të 2018 krahasuar me 2017. Falë bashkëpunimit të disa vendeve partnere që u përballën me këtë problem faktikisht emigrimi është minimizuar në shifra të papërfillshme. E sigurt se vetëm bashkëpunimi mund ta bëjnë këtë sfidë komplekse të menaxhueshme. Me Kosovën realizojmë një menaxhim të integruar përmes pikave të përbashkëta të kalimit dhe faktikisht në Morinë që prej hyrjes në fuqi të marrëveshjes është reduktuar me 50% koha dhe është lehtësuar qarkullimi i mallrave në një proces që duam ta thellojmë edhe me vendet e tjera të rajonit.’

“Ndihemi vërtetë krena që bëhemi pjesë e një projekti  të rëndësishëm për Europën. Arsyeja tjetër është për faktin se jam këtu sot me një mik shumë të vjetër, që në disa role ka treguar me vepra një miqësi shumë të sinqertë ndaj Shqipërisë, Komisioneri e BE, Avramopoulos. Pa të edhe ky projekt zor se do të ishte imagjinuar dhe jo më realizuar. Do të doja ta falenderoj për praninë e tij dhe dedikimin ndaj një fushe që kur e mori detyrën mu duk sikur i kishin lënë një detyrë të minuar të BE. Por sot është bërë një progres i madh. Prania e të gjithëve ju në Tiranë për Patrullimin e kufijëve shqiptar nga FRONTEX është një tregues i mbështetjes së BE ndaj Shqipërisë. Në kuadë të vendit tonë si një vend kandidat për në BE dhe më pas pjesë  e BE. Falë jush ne do jemi në gjendje tju tregojmë miqëve të BE fakte dhe prova të pakundërshtueshme, për të qënë në këtë copëz të vogël të Europës një partner i besueshëm. Edhe pse në një përballje me migarcionin e paligjshëm dhe fluksin e emigracioneve. Shqipëria bëhet vendi i parë në Ballkanin Perëndimor që bashkë me 50 trupa të agjencisë nga 11 vende anëtare përbën një arsye për të qënë të vetëdijshëm që të kemi sukses në këtë projekt. Ky bashkëpunim, Shqipëria kthehet në një kontributor edhe në luftën e krimit të organizuar pasi vendoset në një pozicion më të veçantë. Qoftë edhe në aspektin e përfitimit të drejtpërdrejtë.
Përfitimet janë disa, marrëveshja i hap rrugë për shkëmbime informacioni, analizës së rriskut dhe përballimit të flukseve migratore nga vende të treta. Shqipëria është përballur me një rritje të fluskeve të migracionit 6.7 herë më shumë në 2018 krahasuar me 2017 dhe 26.5 % më shumë janar prill krahasuar me një vit më parë. Ne nuk jemi një vend ku ata që vijnë shihen si rrezik apo problem për arsye të traditës. Por jo shumë larg në kohë ka strehuar gjysmë milioni refugjatë lufte, pa i kërkuar askujtë asgjë.” ka deklaruar kryeministri Rama.

Ky bashkëpunim është një burim krenarie si për Shqipërinë dhe BE-në dhe një hap i rëndësishëm që na bashkon. Situata në Ballkan mbetet stabël me nivele në ulje të ardhjeve, krahasuar me tre vite më parë. Marrëveshja do të na ndihmojë që zgjeron bashkëpunimin praktik dhe operacional, por edhe me pjesën tjetër të Ballkanit Perëndimor. Lëvizja pa viza është një arritje madhore që sjell të mira për të gjithë dhe duhet ta ruajmë. Skuadra e FRONTEX do të kryejnë kontrolle në kufi për të parandaluar kalime të paautorizuara dhe për të parandaluar krimin. Shqipëria mbetet përgjegjëse për ruajtjen e kufirit të saj, asnjë pikë dyshimi përsa i përket sovranitetit. Skuadrat mund të ushtrojnë detyrat nën instruksionin dhe praninë e autoriteteve shqiptare. Shpresoj që kjo marrëveshje të mbyllet edhe me vendet tjera të BE-së. Shpreh falenderimin për autoritetet shqiptare. Në pak ditë nga zgjedhjet europiane, nevoja për një familje europiane të bashkuar ka shumë rëndësi. Duhet të kemi marrëdhënie të forta me fqinjët mbështetur në ekuilibër në partneritet. Jam i lumtur që jam këtu për dy arsye, së pari shoh rezultatet dhe së dyti kam dashur gjithmonë ta shikoj Shqipërinë që të bëhet anëtare e familjes europiane” tha ai.