Bota

Gjeneral Brigade Dehkan: Vrasësit e Dëshmorit Fakhrizadeh do t’i bëjmë të pendohen

Gjeneral brigade Husein Dehkan, këshilltar ushtarak i Liderit Suprem të Revolucionit Islamik, Ajetollah Khamenei, në një postim reagoi ndaj martirizimit të dr. Mohsen Fakhrizadeh, duke u zotuar për një përgjigje dërrmuese ndaj autorëve të këtij krimi.

“Ne do të zbresim fort si vetëtima kundër atyre që vranë Dëshmorin Mohsen Fakhrizadeh dhe do t’i bëjmë të pendohen për veprën e tyre,” tha ai. “Në ditët e fundit të jetës politike të aleatit të tyre kumarxhi, sionistët po intensifikojnë presionin mbi Iranin në mënyrë që të shkaktojnë një luftë të gjithanshme”, tha Dehkan në një referencë për ditët e fundit të Presidentit në largim të SHBA Donald Trump. Ndërkohë, Shefi i Shtabit të Përgjithshëm të Forcave të Armatosura iraniane Gjeneral Major Muhamed Bakeri fajësoi për këtë sulm “të egër” terroristët e lidhur me arrogancën globale dhe regjimin djallëzor sionist. Vrasja, tha ai, i dha një goditje industrisë së mbrojtjes së Iranit, por armiqtë duhet ta dinë se “rruga e hapur nga njerëz të tillë si Dëshmori Fakhrizadeh nuk do të ndalet kurrë”. Bakeri tha se “hakmarrje e ashpër” i pret grupet terroriste si dhe të gjithë ata që kishin dorë në këtë sulm terrorist. Shefi i Shtabit të Përgjithshëm të Forcave të Armatosura iraniane siguroi kombin iranian se autorët e sulmit terrorist do të ndiqen dhe do të vihen para drejtësisë./PT

Etiketa

OPINIONE