Gjykata pushon çështjen e Arben Çukos

Gjykata e Tiranës pushoi sot çështjen ndaj ish drejtorit të burgjeve Arben Çuko.Gjyqtari Sokol Toma argumentoi se prokuroria nuk arriti të sillte prova që vërtetonin fajësinë e tij.

Arben Çuko, ish-deputet dhe ish-drejtor i Përgjithshëm i Burgjeve, u arrestua më 21 tetor dhe u akuzua për ‘korrupsion pasiv’ gjatë kohës që ushtronte detyrën e Drejtorit të Burgjeve.  Ai dyshohet se merrte rryshfet të dënuarve për t’i dhënë leje, për t’i transferuar nga një burg në tjetrin ose për t’i lehtësuar kushtet të dënuarve.

Çuko u zbulua nga përgjimet e policisë për bandën e vëllezërve Avdylaj, nga Shijaku, shumë anëtarë të së cilës u arrestuan në një operacion të kërkuar nga qeveria gjermane në tetor 2018.

Menjëherë pas arrestimit, ish-deputetit Çuko iu dha masa e sigurisë ‘arrest me burg’. Por tre javë më pas, në nëntor, Gjykata e Apelit të Krimeve të Rënda lehtësoi masën e sigurisë nga ‘arrest me burg’ në ‘arrest shtëpie’ për Çukon./exit

NDANI KËTË POSTIM

Mund tju interesojne