Kompania ruse “Sistemet e Transportit Hapësinor S7” planifikon të nisë lëshimin e raketave Zenit-3SL nga platforma lundruese “Sea Launch” dhe të vazhdojë deri në vitin 2023, tha kompania në faqen e saj të internetit të hënën.
“Jemi në punë e sipër për t’i dhënë fund konservimit të kompleksit dhe për të rivendosur aktivitetet e nisjes me përdorimin e raketave Zenit në konfigurimin aktual deri në vitin 2023,” tha kompania.
“Sea Launch” apo “Lançimi i Detit” u formua në vitin 1995 si një partneritet prej katër kompanive nga Norvegjia, Rusia, Ukraina dhe Shtetet e Bashkuara, dhe u menaxhua nga gjigandi i hapësirës ajrore amerikane Boeing. Projekti synonte të përdorte një vend lundrues nisjeje për vendosjen e raketave në ekuator, i cili është vendi më i mirë i mundshëm për nisje duke i dhënë shpejtësi shtesë raketës në ngritje, falë forcës centripetale të shkaktuar nga rrotullimi i Tokës. Kompania u ble nga grupi S7 i Rusisë në shtator 2016.
E vetmja raketë bartëse që mund të lëshohet nga atje është Zenit-3SL, prodhuar nga Byroja ukrainase e ndërtimit Yuzhmash, duke përdorur motorët rusë RD-171 të prodhuara nga prodhuesi i OJF-së Energomash. Nisja e fundit e Zenit nga “Sea Launch” u krye në vitin 2014.
Në prill, Yuzhmash dhe S7 Sea Launch Limited nënshkruan një marrëveshje për furnizimin me 12 raketave Zenit-3SL. / © Gazeta Impakt
