Bota

Hareetz: Bin Salman kërkon kontrollin mbi BINLADIN Group

epa06664025 Saudi Arabia's Crown Prince Mohammed bin Salman Abdulaziz al Saud smiles prior to an official luncheon held in his honour at the Royal Palace in Madrid, Spain, 12 April 2018. Prince Mohammed bin Salman is on an official visit to Spain. EPA-EFE/EMILIO NARANJO

Gazeta izraelite Haaretz ka botuar një shkrim ku thuhet se Princi i Kurorës saudite, Mohammed bin Salman dëshiron të marrë kontrollin e gjigandit të ndërtimit në Arabinë Saudi, BINLADIN Group (SBG).

Teksti shton se Bin Salman filloi të marrë SGB në janar, duke e detyruar korporatën që të ndryshojë Bordin e Drejtorëve dhe të emërojë aty dy njerëz të afërt me të.

Kompania pritet të dorëzojë mbi 35 përqind të aksioneve të saj në shtet, duke humbur statusin e biznesit familjar dhe duke u renditur në tregun publik.

Në shkrimin e Haaretz thuhet se Bin Salman do të menaxhojë në mënyrë indirekte SGB-në, ku parashikohet që korporata do të shkarkojë mijëra punëtorë dhe të shesë disa prej kompanive saj.

Më pas shtrohet pyetja: nëse investitorët e huaj vazhdojnë të derdhin paratë e tyre në Arabinë Saudite, ç’mund t’i ndodhë pasurisë së tyre nëse në çdo kohë mund të konfiskohet apo shtetëzohet nga Bin Selman? /tesheshi