Një ngjarje e rëndë ka ndodhur paraditen e sotme në njësinë administrative Gjegjan të Bashkisë së Pukës.
Rreth 40 nxënës të shkollës 9-vjeçare të këtij fshati janë helmuar gjatë orëve të mësimit.
Burime konfidenciale thanë për Opinion.al se shkak i helmimit mund të jetë bërë hedhja e një dezinfektuesi nëpër klasa. Theksojmë se ende deri tani nuk ka asnjë informacion zyrtar nga policia lokale apo nga drejtoria arsimore.
Sakaq Opinion.al ka siguruar edhe fotot e fëmijëve që po u jepet ndihma e parë mjekësore. Burimet thanë se 5 fëmijë janë në gjendje më të rëndë dhe janë dërguar në spitalin e qytetit të Pukës dhe afro 40 të tjerë janë në ambulancën e fshatit Gjegjan.
Fotot dëshmojnë qartë edhe gjendjen e mjeruar të spitalit dhe mungesës së kapaciteteve ku janë shtrirë 2 fëmijë në një shtrat për të marrë serumin.