Demokratë dhe ish deputetë dolën sot kundër kreut të PD-së e cila po humbet në këto zgjedhje parlamentar, mi kishte edhe një pjesë nga ata që nuk i kandiduan për një mandat të dytë deputeti në Parlament të cilët kanë kundërshtuar zërat që i kërkojnë Bashës dorëheqjen.
Duket se ata që nuk do të arrijnë të futen dot në Parlament do të shenjtërojnë liderin e PD-së si fajtorin që çoi partine drejt humbjes, por Basha në të njëjtën kohë ka edhe pjesë e tij besnike.
Ish deputetet që tashmë s’do jenë më në parlament Albina Deda dhe Mimoza Hajdarmataj bëjnë thirrje për qetësi dhe pritje të rezultatit deri në fund, teksa nuk janë dakort që Basha të mund të largohet nga posti drejtues i PD-së,
Ndërsa nga a e tij Gent Strazimri së bashku me Arben Ristanin kanë pranuar humbjen si dhe kanë theksuar se tashmë është koha që PD të ringrihet.
Arben Ristani
Falenderoj me mirënjohje të thellë të gjithë anëtarët dhe simpatizantët e Partisë Demokratike për katër vitet e një opozite të vështirë, tre muaj qëndresë në çadër dhe një muaj fushatë të përkushtuar. Po ashtu ju bëj thirrje numëruesve dhe komisionerëve te PD, që të numërojnë çdo votë te opozitës, që vullneti i Shqiptarëve të pasqyrohet drejtësisht. Me përgjegjësinë e plotë si Sekretar i Përgjithshëm i Partisë Demokratike të Shqipërisë shpreh keqardhjen për rezultatin e zgjedhjeve dhe bindjen se misioni i Partisë Demokratike vazhdon.
Gent Strazimiri
Mirenjohje per secilin nga ju vellezer e motra demokrate, qe punuat, rezistuat e qe ende qëndroni ne mbrojtje te votes dhe idealeve tona brenda dhe jashtë qendrave te numërimit!
mirenjohes zotit, sot me shume se cdo here tjeter, qe e shkroi te jem njeri nga ju!
Atdheu sot ka nevoje me shume se kurre per forcen e zemrës dhe dashurinë tone!
kokën lart dhe vetëm përpara!!!
Albina Deda
Bashkepergjegjesia-Logjika e demokracise dhe
tipar i fisnikerise!
(Analize)
Rezultatet dhe projeksionet e deritanishme e nxjerrin PD-ne ne nje situate te papritur, aspak te merituar qe si mua dhe ç’do demokrat e hidherojne deri ne shok.
Perpara se te jap opinionin tim te sinqerte ju bej thirrje demokrateve ta perjetojne me qytetari e finikeri kete situate te rende.
Ngelem po aq shume e tronditur nga entuziasmi i shume eksponenteve te PD-se e analiste te cilet pa menduar pasojat apelojne per doreheqje te menjehereshme te kryetarit Basha.
Se pari z.Basha ka nje mandat politik te paperfunduar si kryetar I PD-se, i pari i zgjedhur me nje anetar nje vote.
Jane po ata njerez qe nuk e votuan 4 vite me pare qe nuk lane rast pa e kontestuar ani pse ky kontekst ka ndikuar fuqishem ne negativitetin e ketij rezultati.
Ata tani kerkojne medeomos kete situate kritike qe ne mjegull e hidherim te mund te realizojne ambicjet e tyre me shume meskine e egoiste sesa efektive per riorganizimin e PD-se.
-Se dyti askush nuk thote sot se jo partia por Shqiperia ishte kauza-Basha.
Dhe kesaj kauze ndonese me teper kosto partiake Basha i sherbeu.
Si kujtoni ju se krimi e oligarkia, te korruptuarit e narko-trafiku nuk do reagonin dhunshem ndaj Bashes e PD-se?
Por Lulezim Basha ne kete sfide nuk pati vetem humbje.
Parlamenti i ardhshem do kete shume me pak kriminele, ndoshta vetem dy te cilet nuk do mund ta fillojne mandatin e tyre.
Per here te pare pushteti pati frike te instrumentalizoje administraten.
Natyrisht kjo duket e vogel por eshte premisa me e forte drejt shtetit ligjor.
Nuk diskutohet se ka pasur lajthitje ne zgjedhjen e ekipit elektoral por gjithesecili e njeh situaten nga ku ne u futem me emergjence ne zgjedhje.
Pa dashur te bej nje analize te detajuar qe per gjithsecilin eshte e domosdoshme,
apeloj Kryetarin Basha qe ne keto kushte te mos e konsideroje doreheqjen.
Le ti presim rezultatet me qetesi dhe reagimet ti bejme me logjike demokrati dhe fisnikeri duke mos u fshehur pas gishtit ne kete bashkefajesi.
z.Basha dhe ne ,
qe ju bashkuam vizionit te tij nuk kemi pse kerkojme ndjese tek ishet qe i entuziasmon humbja por tek demokratet e vertete qe kurre nuk u tunduan por na mbeshteten me patetizem.
Ata vetem ata i kemi zhgenjyer e lenduar.
Mimoza Hajdarmartaj
Të jesh demokrat do të thotë të kesh kurajo, të rezistosh dhe mbi të gjitha të besosh se liria funksionon.
Kjo është beteja më e vështirë, ku shumëkush po gjykon shpejt e po jep verdikte nga më absurdet.
Por idealet e një Shqipërie demokratike, të zhvilluar dhe si gjithë Europa do ti përmbushë vetëm PD.
Shpëtimi do të vijë nga idealistët që qëndrojnë dhe jo pragmatistët që gjithmonë kalkulojnë karrierat e radhës, në rilindjen e re të një shumice që kërkon të groposë shpresat e shqiptarëve.
Prisni deri sa të numërohet vota e fundit…
