Shkencëtari atomik kryesor pëegjegjësi që bëri Pakistanin një fuqi bërthamore tani po i kërkon Gjykatës Supreme të vendit ta lirojë, pasi ai ka kaluar gati 15 vjet nën kujdestari në shtëpinë e tij, të shkëputur nga familja dhe miqtë.
Dr. Abdul Qadeer Khan, i konsideruar babai i bombës atomike të Pakistanit, u arrestua në vitin 2004 pasi rrëfeu se i dha ilegalisht teknologji bërthamore Iranit, Libisë dhe Koresë së Veriut. Ai u burgos për herë të parë nga qeveria e gjeneralit Pervez Musharraf, i cili u rrëzua në 2008 dhe u dënua kohët e fundit për tradhëti në mungesë.
Tani 83 vjeç, Khan po bën një kërkesë për gjykatën më të lartë në vend për të zbutur regjimin e sigurisë, duke thënë se kjo shkel të drejtat e tij themelore.
Ndërsa masa arrest shtëpie përfundoi zyrtarisht në 2009, masat që e zëvendësuan atë kanë kërkuar që Khan të informojë paraprakisht autoritetet për të gjitha lëvizjet e tij dhe të shoqërohet nga personeli i sigurisë kudo.
“A mund të lejohen autoritetet qeveritare të shkelin masat mbrojtëse kushtetuese ndërsa e ndalojnë të kërkuarin që të takojë njerëzit e tij ë dashur. të afërmit, shërbëtorë, familjarë, miq, gazetarë, staf mësimor të kolegjeve të ndryshme, universitete, zyrtarë të lartë dhe burokratë?”, tha shkencëtari në peticionin, të cilin avokati i tij e paraqiti të hënën.
“Është e panevojshme të thuhet se punonjësit e agjencive të sigurisë nuk kanë asnjë detyrë tjetër, por të më mbajnë të mbyllur në shtëpinë time të vetmuar si në burg”.
Kani është konsideruar si themelues i programit të pasurimit të uraniumit në Pakistan, dhe drejtoi laboratorin e kërkimit bërthamor në Kahuta, Punjab derisa u tërhoq në 2001. Pakistani kreu testin e parë të armëve atomike në 1998.
Shkencëtari u kthye për një natë nga hero në tradhëtar, kur qeveria e Musharraf u vu nën presion nga Perëndimi për gjoja shitjen e teknologjisë së armëve bërthamore tek “shtetet mashtruese”. Khan mori të gjithë fajin mbi veten e tij, gjë e cila i uli dënimin në arres shtëpie.
Në peticionin e tij, Khan thotë se ndjehet krenar që bëri pjesën e tij për të siguruar Pakistanin nga “sytë e mbrapshtë” të fqinjëve dhe kundërshtarëve të tjerë, dhe se ai është një burrë i moshuar dhe i sëmurë që nuk duhet të mbahet nënkontroll të vazhdueshëm dhe frikë nga fiziku i tij i dobët./gazetaimpakt/rt/
