Imami Elvis Naçi, është shfaqur i prerë përballë kryeministrit Ramë në tryezën e Komitetin Kombëtar të Rindërtimit.
Naçi kërkoi nga Rama që fjalët e thëna në tryezë për transparencën e fondeve të mbahen deri në ccdo qindarkë, ndryshe ai dhe gazetari Marin Mema do të largohen nga ajo tavolinë.
“Shqipëria ka ardhur koha të krijojë disa standarte. Nuk jemi Zvicra dhe as Gjermania. Duam ti mësojmë atyre që edhe qindra mijëra miliona euro që thamë, do ti bëjmë transparente deri në një. Ai që do na japi shtëpinë do të na ulë çmimin. Zotit Rama po ia them këtu, o do të bëhet diçka siç duhet ose unë me Marinin në tavolinat e tjera nuk do të jemi këtu. Do të dalim veç me fondacione të vogla, por jo të bëhet si tek tezgat. Nëse do bëhet si tek tezgat, më mirë pak dhe faqebardhë”, tha Imami Elvis Naçi.
Duke zbuluar shumën që është mbledhur deri më tani prej tij, ai theksoi se ka dëshirë të shohë edhe fondin e qeverisë.
“Kemi mbledhur rreth 2 milionë euro, dhe besoj që shifra do të rritet. Kam qejf të shoh sa janë mbledhur nga fondi i qeverisë.”/CNA.al
